ഏഷ്യന്‍ ഗെയിംസില്‍ ഇന്ത്യ വീണ്ടും സ്വര്‍ണം നേടി. അമ്പെയ്ത്തിലാണ് ഇന്ത്യന്‍ വനിതകള്‍ സ്വര്‍ണം ചൂടിയത്. ബഗ്ദാമില്‍ ഏറ്റുമുട്ടലില്‍ ഭീകരന്‍ മൂസയെ സൈന്യം വധിച്ചു. എഐയെ സൂപ്പര്‍ ഇന്റലിജന്‍സ് എന്ന് പുനര്‍നാമകരണം ചെയ്ത് ട്രംപ്. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

ഏഷ്യന്‍ ഗെയിംസില്‍ ഇന്ത്യ വീണ്ടും സ്വര്‍ണം നേടി. വനിതാ അമ്പെയ്ത്ത് കോംപൗണ്ട് ടീം ഇനത്തിലാണ് ഇന്ത്യ സ്വര്‍ണം നേടിയത്. ഫൈനലില്‍ ചൈനയെ പിന്തള്ളിയാണ് ഇന്ത്യയുടെ സുവര്‍ണനേട്ടം.  ചികിത തനിപാര്‍ത്തി, പ്രിതിക പ്രദീപ്, ജ്യോതി സുരേഖ വെന്നം എന്നിവരടങ്ങുന്ന സംഘമാണ് സ്വര്‍ണം എയ്തിട്ടത്. ലോകറെക്കോര്‍ഡിനൊപ്പമെത്തിയാണ് ഇന്ത്യ സ്വര്‍ണം നേടിയത്.

മധ്യ കശ്മീരിലെ ബദ്ഗാം ജില്ലയിലെ വനാതിര്‍ത്തിയില്‍ സുരക്ഷാ സേനയുമായുണ്ടായ ഏറ്റുമുട്ടലില്‍ ലഷ്‌കര്‍-ഇ-തൊയ്ബ ഭീകരന്‍ കൊല്ലപ്പെട്ടു. ജമ്മു കശ്മീരില്‍ നിരവധി ഭീകരാക്രമണക്കേസുകളില്‍ അന്വേഷിച്ചുവരുന്ന സുലൈമാന്‍ ഷാ എന്ന മൂസയാണ് കൊല്ലപ്പെട്ടതെന്ന് സുരക്ഷാ ഉദ്യോഗസ്ഥര്‍ സ്ഥിരീകരിച്ചു.

ലഹരിയുപയോഗിച്ച് വാഹനമോടിക്കുന്നവര്‍ക്കെതിരെ കടുത്ത നടപടികളിലേക്ക് കടക്കാന്‍ ഒരുങ്ങി സംസ്ഥാന സര്‍ക്കാര്‍. ഡ്രങ്ക് ആന്‍ഡ് ഡ്രൈവ് കേസുകളില്‍ ജാമ്യവ്യവസ്ഥ കടുപ്പിക്കുന്നതിനും വാഹനം കണ്ടുകെട്ടുന്നതിനുമുള്ള നടപടികളില്‍ ഗതാഗതവകുപ്പ് നിയമോപദേശം തേടി. ആഭ്യന്തര വകുപ്പുമായി ചര്‍ച്ച ചെയ്തശേഷമായിരിക്കും അന്തിമ തീരുമാനം. നിലവില്‍ മദ്യപിച്ച് വാഹനമോടിക്കുന്നത് ജാമ്യം ലഭിക്കാവുന്ന കുറ്റമാണ്.

ആര്‍ട്ടിഫിഷ്യല്‍ ഇന്റലിജന്‍സ് (എഐ) എന്ന പദത്തിന് പകരം 'സൂപ്പര്‍ ഇന്റലിജന്‍സ്' (എസ്‌ഐ) എന്ന് ഔദ്യോഗികമായി ഉപയോഗിക്കാന്‍ നിര്‍ദേശം നല്‍കി യുഎസ് പ്രസിഡന്റ് ഡോണള്‍ഡ് ട്രംപ്. ഗവണ്‍മെന്റിന്റെ ഔദ്യോഗിക ഇടപാടുകളിലും രേഖകളിലും ഇനി മുതല്‍ 'ആര്‍ട്ടിഫിഷ്യല്‍ ഇന്റലിജന്‍സ്', 'എഐ' എന്നീ പദങ്ങള്‍ക്ക് പകരം 'സൂപ്പര്‍ ഇന്റലിജന്‍സ്', 'എസ്‌ഐ' എന്നിങ്ങനെ മാറ്റാന്‍ ഉത്തരവിടുന്ന എക്‌സിക്യൂട്ടീവ് ഓര്‍ഡറില്‍ ട്രംപ് ഒപ്പുവെച്ചു. 

മുടങ്ങിക്കിടന്ന ഒരു ഔദ്യോഗിക നടപടി പൂർത്തിയാക്കാൻ കഴിയും. സാമ്പത്തികമായി ചെറിയൊരു അധികവരുമാനം ലഭിക്കും. പുതിയൊരു ഉപകരണം വാങ്ങുന്നതിനെക്കുറിച്ച് തീരുമാനിക്കും. വ്യാപാരത്തിൽ പുതിയൊരു ഉപഭോക്താവുമായി ബന്ധപ്പെടും. ഏറെക്കാലമായി കാണാതിരുന്ന ഒരാളെ അപ്രതീക്ഷിതമായി കണ്ടുമുട്ടും. ചെറിയൊരു യാത്രയ്ക്ക് അവസരം ലഭിക്കും.