ന്യൂഡല്ഹി: പെരുമ്പാവൂരിലെ നിയമ വിദ്യാര്ഥിയെ കൊലപ്പെടുത്തിയ കേസില് ശിക്ഷിക്കപ്പെട്ട അമീറുല് ഇസ്ലാം സുപ്രീംകോടതിയില് വധശിക്ഷക്കെതിരെ സുപ്രീംകോടതിയില് അപ്പീല് നല്കി. വധശിക്ഷയുടെ ഭരണഘടന സാധുതയും കൂടി ചോദ്യം ചെയ്താണ് ഹര്ജി നല്കിയത്. നിരപരാധിയെന്ന് തെളിക്കാന് സാധിക്കുന്ന തരത്തിലുള്ള തെളിവുകളുണ്ടെന്നാണ് പ്രധാനമായും ഹര്ജിയില് ചൂണ്ടിക്കാട്ടുന്നത്. അഭിഭാഷകരായ സതീഷ് മോഹനന്, സുഭാഷ് ചന്ദ്രന്,ശ്രീറാം പാറക്കാട്ട് എന്നിവരാണ് അമീറുലിന് വേണ്ടി ഹര്ജി സമര്പ്പിച്ചത്.
നിയമവിദ്യാര്ഥിനി അതിക്രൂരമായി പീഡനത്തിനിരയായി കൊല്ലപ്പെട്ട കേസിലെ പ്രതിക്ക് വിചാരണക്കോടതി നല്കിയ വധശിക്ഷ കഴിഞ്ഞ മെയ് 20 നാണ് ഹൈക്കോടതി ശരിവെച്ചത്. അപൂര്വങ്ങളില് അപൂര്വമായ കേസെന്ന പ്രോസിക്യൂഷന് വാദം അംഗീകരിച്ചാണ് അസം സ്വദേശി അമീറുല് ഇസ്ലാമിനെ വധശിക്ഷക്ക് വിധിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
2016 ഏപ്രില് 28നാണ് പെരുമ്പാവൂര് കുറപ്പുംപടിയ്ക്കടുത്ത് ഇരിങ്ങോളില് നിയമ വിദ്യാര്ഥിനിയായ യുവതി ബലാത്സംഗത്തിനിരയായി അതിക്രൂരമായി കൊല്ലപ്പെട്ടത്. നിര്മാണ തൊഴിലാളികള് ധരിക്കുന്ന തരം ചെരുപ്പ് ജിഷയുടെ വീടിന്റെ പരിസരത്തു നിന്നും പൊലീസ് കണ്ടെത്തി. കൊലപാതകം, ബലാത്സംഗം, അതിക്രമിച്ചു കയറല്, മാരകമായി മുറിവേല്പ്പിക്കല് തുടങ്ങിയകുറ്റങ്ങളാണ് അസം സ്വദേശിയായ അമീറുല് ഇസ്ലാമിനെതിരെ കോടതിയില് തെളിഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates