തൃശൂര്: വിയ്യൂര് ജയിലില് അസിസ്റ്റന്റ് സൂപ്രണ്ടിനെ കയ്യേറ്റം ചെയ്ത കേസില് ശുഹൈബ് വധക്കേസ് പ്രതി ആകാശ് തില്ലങ്കേരിയുടെ ജാമ്യാപേക്ഷ തള്ളി. കണ്ണൂര് സ്വദേശികളായ ആകാശ് തില്ലങ്കേരി (29 ), ജിജോ കെവി (30) എന്നിവരുടെ ജാമ്യാപേക്ഷയാണ് തൃശൂര് ജില്ലാ സെഷന്സ് കോടതി തള്ളിയത്. സെല്ലിന് മുന്നില് അകത്തെ ദൃശ്യങ്ങള് കാണാന് കഴിയാത്ത വിധം ആകാശ് തുണിവച്ച് മറച്ചിരുന്നത് ചോദ്യം ചെയ്തതും ഫോണ് ഉപയോഗിക്കുന്നുവെന്ന സംശയം പ്രകടിപ്പിച്ചതിലുമുണ്ടായ വിരോധമാണ് ജയില് ഓഫീസ് മുറിയില് സൂപ്രണ്ടിനെ ആക്രമിക്കുന്നതിലേക്ക് നയിച്ചത്.
കാപ്പ ചുമത്തിയതിന് പിന്നാലെയാണ് ആകാശ് അടക്കമുള്ളവരെ വിയ്യൂര് സെന്ട്രല് ജയിലിലെത്തിച്ചത്. ഇവിടെ കഴിയുമ്പോഴാണ് ആകാശ് ജയില് അസിസ്റ്റന്റ് സൂപ്രണ്ടിനെ ആക്രമിച്ചത്. ഫോണ് ഉപയോഗവുമായി ബന്ധപ്പെട്ട് ചില തര്ക്കങ്ങളാണ് ആക്രമണത്തിലേക്ക് നയിച്ചത്.
ആകാശിന്റെ സെല്ലില് പരിശോധനയ്ക്കെത്തിയ ജയില് ഉദ്യോഗസ്ഥനായ രാഹുല് മുറിയുടെ ഒരു ഭാഗം തുണി വച്ച് മറച്ചു കെട്ടിയത് ചോദ്യം ചെയ്തു. ഫോണ് ഉപയോഗിക്കുന്നുവെന്ന സംശയവും പ്രകടിപ്പിച്ചു. പിന്നാലെ തില്ലങ്കേരി ജയിലര്ക്ക് മുന്നില് പരാതിയുമായെത്തി. ഈ സമയം രാഹുലും അവിടേക്ക് വന്നു. ഈ സമയം ആകാശ് തില്ലങ്കേരി രാഹുലിന്റെ ചെവിയുടെ പിന്ഭാഗത്ത് ഇടിക്കുകയായിരുന്നു. ജയില് ഉദ്യോഗസ്ഥരുടെ പരാതിയില് ജാമ്യമില്ലാ വകുപ്പ് ചുമത്തിയാണ് ആകാശ് തില്ലങ്കേരിക്കെതിരെ വിയ്യൂര് പൊലീസ് കേസെടുത്തത്.
ഈ വാര്ത്ത കൂടി വായിക്കൂ പ്രതിയാക്കിയതില് ഗൂഢാലോചന; ഷുക്കൂര് വധക്കേസില് തുടരന്വേഷണം വേണം, സിബിഐയെ സമീപിച്ച് പി ജയരാജന്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates