കൊച്ചി: കാലടി കാഞ്ഞൂരില്‍ ഭാര്യയെ കൊലപ്പെടുത്തിയശേഷം ഭര്‍ത്താവ് മൃതദേഹത്തില്‍ രതിവൈകൃതം നടത്തിയെന്ന് പോസ്റ്റ് മോര്‍ട്ടം റിപ്പോര്‍ട്ട്. തമിഴ്‌നാട് സ്വദേശിനി രത്‌നവല്ലിയെ ആണ് ഭര്‍ത്താവ് മഹേഷ് കുമാര്‍ ശ്വാസം മുട്ടിച്ച് കൊലപ്പെടുത്തിയത്. തുടര്‍ന്ന് മൃതദേഹത്തില്‍ മഹേഷ് കുമാര്‍ ലൈംഗിക വേഴ്ച നടത്തി എന്നാണ് പോസ്റ്റ് മോര്‍ട്ടം റിപ്പോര്‍ട്ടില്‍ വ്യക്തമാക്കുന്നത്.
രത്‌നവല്ലിക്ക് മറ്റൊരാളുമായുണ്ടായ അടുപ്പമാണ് കൊലപാതകത്തിലേക്ക് നയിച്ചതെന്ന് പ്രതി പൊലീസിനോട് പറഞ്ഞു. കാഞ്ഞൂരില്‍ ഇവര്‍ താമസിക്കുന്ന വാടകവീടിന് സമീപത്തെ ജാതിതോട്ടത്തില്‍ വെച്ച് രത്‌നവല്ലിയെ കഴുത്ത് ഞെരിച്ച് കൊല്ലുകയായിരുന്നു. മൃതദേഹത്ത് ശരീരദ്രവം കണ്ടെത്തിയെങ്കിലും ലൈംഗികവേഴ്ച കൊലപാതകത്തിനു മുമ്പാണോ ശേഷമാണോ എന്നതില്‍ പൊലീസിന് വ്യക്തത ഇല്ലായിരുന്നു.
പോസ്റ്റ്‌മോര്‍ട്ടം റിപ്പോര്‍ട്ട് പുറത്തുവന്നതോടെയാണ് കൊലപാതകം പൈശാചികമാണെന്ന് തെളിഞ്ഞത്. മുത്തു എന്നയാളുമായി അടുപ്പത്തിലായ രത്‌നവല്ലി, ദാമ്പത്യജീവിതം തുടരാന്‍ താല്‍പര്യമില്ലെന്ന് മഹേഷിനെ അറിയിച്ചിരുന്നു. പൊങ്കലിന് ജന്മനാടായ തെങ്കാശിയില്‍ പോയ രത്‌നവല്ലിയെ മഹേഷ് കുമാര്‍ കാലടിയിലേക്ക് കൂട്ടിക്കൊണ്ടുവരികയായിരുന്നു. അന്നു തന്നെ കൊലപാതകവും നടത്തി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates