കേരളത്തിലെ സാമ്പത്തികമായി പിന്നാക്കം നിൽക്കുന്ന മുന്നാക്ക സമുദായങ്ങളിലെ കുടുംബങ്ങളിലെ പെൺകുട്ടികളുടെ വിവാഹത്തിന് ധനസഹായം നൽകുന്ന മംഗല്യ സമുന്നതി പദ്ധതിയിലേക്ക് അപേക്ഷ ക്ഷണിച്ചു. അർഹരായവർക്ക് ഒറ്റത്തവണയായി 70,000 രൂപയാണ് ധനസഹായം നൽകുന്നത്. അപേക്ഷകൾ സമർപ്പിക്കേണ്ട അവസാന തീയതി 2026 നവംബർ 30 വൈകിട്ട് 5 മണി.

ആർക്കൊക്കെ അപേക്ഷിക്കാം?

• മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ പെൺകുട്ടികൾക്ക് അപേക്ഷിക്കാം.

• അപേക്ഷകയുടെ കുടുംബം മുൻഗണനാ വിഭാഗത്തിലെ മഞ്ഞ (AAY), പിങ്ക് റേഷൻ കാർഡ് വിഭാഗങ്ങളിൽ ഉൾപ്പെട്ടിരിക്കണം.

• കുടുംബത്തിന്റെ വാർഷിക വരുമാനം എല്ലാ സ്രോതസ്സുകളിൽനിന്നും ഒരു ലക്ഷം രൂപയിൽ കവിയാൻ പാടില്ല.

• വിവാഹം കഴിഞ്ഞ പെൺകുട്ടിയുടെ പ്രായം 18 വയസ്സ് പൂർത്തിയായിരിക്കണം.

• 2025 നവംബർ 1 മുതൽ 2026 ഒക്ടോബർ 31 വരെയുള്ള കാലയളവിൽ വിവാഹം നടന്നവർക്കാണ് അപേക്ഷിക്കാനാകുക.

• ഒരു കുടുംബത്തിൽനിന്ന് ഒരു പെൺകുട്ടിയുടെ വിവാഹത്തിനാണ് ധനസഹായം അനുവദിക്കുക.

ആവശ്യമായ രേഖകൾ

അപേക്ഷയോടൊപ്പം വിജ്ഞാപനത്തിൽ നിർദേശിച്ചിട്ടുള്ള രേഖകൾ സമർപ്പിക്കണം. പ്രധാനമായും:

• പെൺകുട്ടിയുടെ റേഷൻ കാർഡിന്റെ പകർപ്പ്

• വരുമാന സർട്ടിഫിക്കറ്റ്

• കുടുംബ വാർഷിക വരുമാനം വ്യക്തമാക്കുന്ന രേഖ

• വിവാഹം നടന്നതിന്റെ തെളിവ്

• വിവാഹം കഴിച്ച പെൺകുട്ടിയുടെ പ്രായം തെളിയിക്കുന്ന SSLC സർട്ടിഫിക്കറ്റ് അല്ലെങ്കിൽ ജനന സർട്ടിഫിക്കറ്റ്

• അപേക്ഷകയുടെയും അപേക്ഷകയുടെ പേരിലുള്ള ബാങ്ക് പാസ്‌ബുക്കിന്റെയും പകർപ്പ്

• വിവാഹവുമായി ബന്ധപ്പെട്ട മറ്റ് രേഖകൾ

അപേക്ഷിക്കേണ്ട അവസാന തീയതി

അപേക്ഷകൾ സമർപ്പിക്കേണ്ട അവസാന തീയതി നവംബർ 30 വൈകിട്ട് 5 മണി ആണ്. അപേക്ഷകർ സമുന്നതി പദ്ധതിയുടെ ഔദ്യോഗിക മാർഗനിർദേശങ്ങൾ പരിശോധിച്ച് യോഗ്യത ഉറപ്പാക്കിയ ശേഷം അപേക്ഷ സമർപ്പിക്കുക..

അപേക്ഷ ഫോമിനും കൂടുതൽ വിവരങ്ങൾക്കും വിജ്ഞാപനം സന്ദർശിക്കുക.

https://kswcfc.org/wp-content/uploads/2026/11/Mangalya-Guidelines-and-application-form.pdf