Kerala Police Social Media Posts Removed Center-Center-Trivandrum
Kerala

സമൂഹമാധ്യമങ്ങളിൽ നിന്ന് നീക്കിയത് 15,627 പോസ്റ്റുകളും ലിങ്കുകളും; സർക്കാരിന്റെ അറിവോടെയല്ലെന്ന വാദം പൊളിയുന്നു

നിയമസഭയിൽ ആഭ്യന്തര വകുപ്പിന്റെ രേഖാമൂലമുള്ള മറുപടി

Author : സമകാലിക മലയാളം ഡെസ്ക്
Edited By : Damodaran K

തിരുവനന്തപുരം: വിഡി സതീശൻ സർക്കാർ അധികാരത്തിൽ വന്ന ശേഷം സമൂഹമാധ്യമങ്ങളിൽ നിന്ന് 15,627 പോസ്റ്റുകളോ ലിങ്കുകളോ നീക്കം ചെയ്തതായി ആഭ്യന്തര വകുപ്പിന്റെ സ്ഥിരീകരണം. മുഖ്യമന്ത്രിയുടെയും മന്ത്രിമാരുടെയും ചിത്രങ്ങളും പോസ്റ്റുകളും ഇതിൽ ഉൾപ്പെടുന്നുണ്ട്. നിയമസഭയിൽ സേവ്യർ ചിറ്റിലപ്പള്ളിയുടെ ചോദ്യത്തിന് ആഭ്യന്തര മന്ത്രി രമേശ് ചെന്നിത്തല രേഖാമൂലം നൽകിയ മറുപടിയിലാണ് ഇക്കാര്യം വ്യക്തമാക്കിയിട്ടുള്ളത്.

ഫേസ്ബുക്ക്, ഇൻസ്റ്റഗ്രാം ഉൾപ്പെടെയുള്ള സാമൂഹിക മാധ്യമങ്ങളിൽ നിന്ന് മുഖ്യമന്ത്രിയുടെയോ മന്ത്രിമാരുടെയോ ചിത്രങ്ങളടങ്ങിയ ന്യൂസ് കാർഡുകളോ ഫോട്ടോകളോ വീഡിയോകളോ നീക്കം ചെയ്യാൻ സഹ്യോഗ് പോർട്ടൽ വഴി കേരള പൊലീസ് സ്വീകരിച്ച നടപടികൾ വിശദമാക്കണമെന്നായിരുന്നു ചോദ്യം. വ്യക്തികൾ നൽകുന്ന പരാതികൾ, കൃത്രിമമായി എഡിറ്റ് ചെയ്ത വീഡിയോകൾ, മോർഫ് ചെയ്ത ചിത്രങ്ങൾ എന്നിവ പ്രചരിക്കുന്നത് ശ്രദ്ധയിൽപ്പെട്ട സന്ദർഭങ്ങളിലും പരാതികൾ ലഭിച്ചപ്പോഴും സോഷ്യൽ മീഡിയ പ്ലാറ്റ്‌ഫോമുകൾക്ക് നോട്ടീസ് നൽകി അവ നീക്കം ചെയ്യുന്നതിനുള്ള നടപടികൾ സ്വീകരിച്ചിട്ടുണ്ടെന്ന് സർക്കാർ വ്യക്തമാക്കി.

സമൂഹമാധ്യമ പോസ്റ്റുകൾ നീക്കം ചെയ്യുന്നത് സർക്കാരിന്റെ അറിവോടെയല്ലെന്നായിരുന്നു മുൻപ് സർക്കാരും മുഖ്യമന്ത്രിയും വ്യക്തമാക്കിയിരുന്നത്. എന്നാൽ ഇതിനു കടകവിരുദ്ധമാണ് ആഭ്യന്തര മന്ത്രി നൽകിയിട്ടുള്ള മറുപടി.

The Kerala government stated in the assembly that 15,627 social media posts and links, including those featuring the Chief Minister and ministers, have been removed since the LDF came to power, contradicting earlier claims that such actions were not government-led.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ആ നിർദേശം വച്ചത് സർക്കാർ; കാറ്റാടി വൈദ്യുതി വിവാദത്തിൽ പുതിയ വഴിത്തിരിവ്

സൂര്യാഘാതത്തിന് സാധ്യത, നേത്ര, ഉദര രോഗങ്ങള്‍ പിടിപെടാം; അറിയാം വൃശ്ചിക മാസ ഫലം

ഒറ്റ ഓവറിൽ തെറിച്ചത് 3 വിക്കറ്റുകൾ; കേരളം മഹാരാഷ്ട്രയോട് തോറ്റു

ബാങ്ക് വായ്പാ വിവാദം ഒത്തുതീർന്നു; വ്യാപാരിയുടെ 41 ലക്ഷം രൂപയുടെ കുടിശ്ശിക എഴുതിത്തള്ളും

ഹൗ... പേസോട് പേസ്!!! ശ്രീലങ്ക '98'ന് ഓള്‍ഔട്ട്!