തൃശൂർ: തളിക്കുളം തമ്പാൻകടവിൽ നിന്ന് കടലിൽ മത്സ്യ ബന്ധനത്തിന് പോയി വള്ളം കാണാതായ നാല് തൊഴിലാളികളേയും രക്ഷപ്പെടുത്തി. തളിക്കുളം സ്വദേശി സുബ്രഹ്മണ്യൻ, ഇക്ബാൽ, വിജയൻ, കുട്ടൻ എന്നിവരെയായിരുന്നു കാണാതായത്. 

ഡ്രോൺ ഉപയോ​ഗിച്ചുള്ള തിരച്ചിലിലാണ് ഇവരെ കണ്ടെത്തിയത്. നാല് പേരെയും കരയ്ക്കെത്തിച്ചു. 

ഇന്ന് പുലർച്ചെ നാല് മണിക്കാണ് സംഘം മത്സ്യബന്ധനത്തിന് പോയത്. എട്ട് മണിയോടെ സംഘത്തിലൊരാൾ വള്ളം മുങ്ങുന്നതായി വിളിച്ചറിയിച്ചുവെന്ന് പ്രദേശവാസി പറഞ്ഞിരുന്നു. പിന്നാലെ കോസ്റ്റൽ പൊലീസിന്റേയും മത്സ്യത്തൊഴിലാളികളുടേയും നേതൃത്വത്തിൽ കാണാതായവർക്കായി തിരച്ചിൽ നടത്തുകയായിരുന്നു.