സംസ്ഥാനത്ത് റോഡ് അപകടങ്ങള് കുറക്കാന് കര്ശന നടപടികളുമായി ഗതാഗത വകുപ്പ്. സ്വകാര്യ ബസ് അപകടത്തില്പ്പെട്ട് ആളുകള് മരിക്കുന്ന സാഹചര്യമുണ്ടായാല് 6 മാസം പെര്മിറ്റ് റദ്ദാക്കുമെന്ന് ഗതാഗത മന്ത്രി ഗണേഷ് കുമാര് അറിയിച്ചു. അശ്രദ്ധമായി വണ്ടി ഓടിച്ച് പരിക്കേല്ക്കുന്ന സാഹചര്യമുണ്ടായാല് മൂന്ന് മാസം പെര്മിറ്റ് റദ്ദാക്കും. സ്വകാര്യ ബസ് ഡ്രൈവര്മാര്ക്കും കണ്ടക്ടര്മാര്ക്കും ക്ലീനര്മാര്ക്കും പൊലീസ് ക്ലിയറന്സ് നിര്ബന്ധമാക്കുമെന്നും മന്ത്രി വ്യക്തമാക്കി..കാട്ടാന ആക്രമണത്തില് കൊല്ലപ്പെട്ട കുട്ടമ്പുഴ ക്ണാച്ചേരി സ്വദേശി എല്ദോസിന് നാടിന്റെ യാത്രാമൊഴി. കളമശേരി മെഡിക്കല് കോളജില് പോസ്റ്റ്മോര്ട്ടത്തിന് ശേഷം ക്ണാച്ചേരിയിലെ വീട്ടിലും ചേലോട് കുറുമറ്റം മര്ത്തോമ പള്ളിയിലും മൃതദേഹം പൊതുദര്ശനത്തിന് വെച്ചു. നൂറ് കണക്കിനാളുകളാണ് മൃതദേഹത്തില് അന്ത്യാഞ്ജലി അര്പ്പിച്ചത്. വൈകിട്ട് 4.45 ഓടെ പള്ളി സെമിത്തേരിയില് മൃതദേഹം സംസ്കരിച്ചു..ലോക്സഭയില് അവതരിപ്പിച്ച ഒരു രാജ്യം, ഒറ്റ തെരഞ്ഞെടുപ്പ് ബില് ചര്ച്ചയ്ക്കായി സംയുക്തപാര്ലമെന്ററി സമിതിയുടെ പരിശോധനയ്ക്ക് വിട്ടു. 269 പേര് ബില് അവതരിപ്പിക്കുന്നതിന് അനുകൂലമായി വോട്ട് ചെയ്തതപ്പോള് 198 പേര് എതിര്ത്തു. ലോക്സഭാ, നിയമസഭാ തെരഞ്ഞെടുപ്പുകള് ഒരുമിച്ചു നടത്തുന്നതിന് സംസ്ഥാന നിയമസഭകളുടെ കാലാവധിയില് മാറ്റം വരുത്തുന്നതിനുള്ള ഭരണഘടനാ ഭേദഗതി ബില്, കേന്ദ്രഭരണപ്രദേശ നിയമഭേദഗതി ബില് എന്നിവയാണ് നിയമമന്ത്രി അര്ജുന് റാം മേഘ് വാള് അവതരിപ്പിച്ചത്..ശബരി റെയില് പദ്ധതി രണ്ട് ഘട്ടമായി വിപുലീകൃതമായ രീതിയില് നടപ്പാക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗം തീരുമാനിച്ചു. ഇതിന് അനുമതി ലഭ്യമാക്കാന് കേന്ദ്രസര്ക്കാരിനോട് അഭ്യര്ത്ഥിക്കും. ആദ്യഘട്ടത്തില് അങ്കമാലി-എരുമേലി-നിലക്കല് പാത പൂര്ത്തീകരിക്കും. നിര്മാണ ചെലവിന്റെ 50 ശതമാനം തുക കിഫ്ബി വഹിക്കാമെന്ന സര്ക്കാര് തീരുമാനം തുടരും. ഈ തുക കടമെടുപ്പ് പരിധിയില് നിന്ന് ഒഴിവാക്കണമെന്ന ആവശ്യം അംഗീകരിച്ച് കിട്ടാന് കേന്ദ്ര സര്ക്കാരുമായി ബന്ധപ്പെടും. ആര്ബിഐയുമായി ചേര്ന്നുള്ള ത്രികക്ഷി കരാര് വേണ്ടെന്ന നിലപാട് സ്വീകരിക്കും. നിലവില് സിംഗിള് ലൈനുമായി മുന്നോട്ട് പോകും.കരുവന്നൂർ സഹകരണ ബാങ്ക് തട്ടിപ്പ് കേസിലെ പ്രതികളുടെ മുഴുവൻ സ്വത്തുക്കൾ കണ്ടുകെട്ടാനുള്ള എൻഫോഴ്സ്മെന്റ് ഡയറക്ടറേറ്റിന്റെ (ഇഡി) നടപടിയിൽ ഇടപെട്ട് ഹൈക്കോടതി. ഇഡി കേസുകളിൽ കുറ്റാരോപിതരുടെ മുഴുവൻ സ്വത്തുക്കളും കണ്ടു കെട്ടരുതെന്ന് ഹൈക്കോടതി ഉത്തരവിട്ടു..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates