Police Headquarters 
Kerala

പൊലീസ് ഓഫീസേഴ്‌സ് അസോസിയേഷന്‍ ഭാരവാഹികളെ സ്ഥലംമാറ്റി; ഇനി ക്രമസമാധാന ചുമതലയിൽ

കഴിഞ്ഞ 10 വര്‍ഷമായി സ്‌പെഷ്യല്‍ ബ്രാഞ്ചില്‍ മാത്രം ജോലി ചെയ്തിരുന്ന നേതാക്കളെയാണ് ക്രമസമാധാന ചുമതലയിലേക്ക് മാറ്റിയത്

Author : സമകാലിക മലയാളം ഡെസ്ക്

തിരുവനന്തപുരം: സംസ്ഥാന പൊലീസില്‍ അഴിച്ചുപണിക്ക് തുടക്കമിട്ട് ആഭ്യന്തര വകുപ്പ്. ഇടത് അനുകൂല പൊലീസ് ഓഫീസേഴ്‌സ് അസോസിയേഷന്‍ ഭാരവാഹികളെ സ്ഥലംമാറ്റി സംസ്ഥാന പൊലീസ് മേധാവി ഉത്തരവിറക്കി. അസോസിയേഷന്‍ പ്രസിഡന്റ് പ്രശാന്ത്, സെക്രട്ടറി ബിജു എന്നിവരെയാണ് സ്ഥലംമാറ്റിയത്.

കഴിഞ്ഞ 10 വര്‍ഷമായി യൂണിഫോം ഇടാതെ സ്‌പെഷ്യല്‍ ബ്രാഞ്ചില്‍ മാത്രം ജോലി ചെയ്തിരുന്ന നേതാക്കളെയാണ് ക്രമസമാധാന ചുമതലയിലേക്ക് മാറ്റിയത്. പൊലീസ് ഓഫീസേഴ്‌സ് അസോസിയേഷന്‍ സംസ്ഥാന പ്രസിഡന്റ് പ്രശാന്തിനെ മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിന്റെ സുരക്ഷ കൂടി ഉള്‍പ്പെടുന്ന മ്യൂസിയം എസ് എച്ച് ഒ ആക്കിയാണ് നിയമിച്ചത്.

പൊലീസ് ഓഫീസേഴ്‌സ് അസോസിയേഷന്‍ ജനറല്‍ സെക്രട്ടറി സി ആര്‍ ബിജുവിനെ കൊച്ചി സിറ്റിയിലേക്കാണ് മാറ്റിയത്. കൊച്ചി സിറ്റിയിലെ ഏതു പൊലീസ് സ്റ്റേഷനിലാണ് ബിജുവിനെ നിയമിക്കേണ്ടതെന്ന് കൊച്ചി സിറ്റി പൊലീസ് കമ്മീഷണര്‍ തീരുമാനമെടുക്കും. വരും ദിവസങ്ങളില്‍ പൊലീസില്‍ കൂടുതല്‍ അഴിച്ചുപണിയുണ്ടാകുമെന്നാണ് സൂചന.

Police Officers Association office bearers transferred

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ടൂറിസ്റ്റ് ബസുകള്‍ ഇനി 'കളറാകും'; വെള്ളനിറം നിര്‍ബന്ധമാക്കിയ തീരുമാനം പിന്‍വലിച്ചു

2070ല്‍ ഇന്ത്യ ലോകത്ത് ഏറ്റവും കൂടുതല്‍ മുസ്ലിം ജനസംഖ്യയുള്ള രണ്ടാമത്തെ രാജ്യമാകും; ഹിന്ദു ശതമാനം കുറയും: പഠനം

മോഷണക്കേസില്‍ ചോദ്യം ചെയ്യാന്‍ വിളിപ്പിച്ചു; പിന്നാലെ 63കാരന്‍ തൂങ്ങിമരിച്ച നിലയില്‍

പുതിയ എഐസിസി സെക്രട്ടറിമാരെ നിയമിച്ചു; കേരളത്തില്‍ നിന്നും എസ് ശരത്തിനും സൈമണ്‍ അലക്‌സിനും ചുമതല

കൃത്രിമക്കാൽ നൽകും; അബ്ദുൾ ജബ്ബാറിന് സഹായവാ​ഗ്ദാനവുമായി മുഖ്യമന്ത്രി