വയനാട്ടിലെ ഉരുൾ പൊട്ടലിൽ കാണാതായവർക്കു വേണ്ടിയുള്ള തിരച്ചിൽ തുടരുകയാണ്. ദുരന്തത്തിന്റെ വ്യാപ്തി അറിയാന്‍ ഡ്രോണ്‍ സര്‍വേ നടത്തും. പാരിസ് ഒളിംപിക്സ് വനിതാ 100 മീറ്റർ ഫൈനലിൽ സെന്റ് ലൂസിയയുടെ ജൂലിയൻ ആൽഫ്രഡ് ചാംപ്യനായി.

വയനാട് ഉരുള്‍പൊട്ടലില്‍ കാണാതായവര്‍ക്കു വേണ്ടിയുള്ള തിരച്ചില്‍ ആറാംദിനമായ ഇന്നും തുടരും. മുണ്ടക്കൈ, ചൂരല്‍മല, പുഞ്ചിരിമുട്ടം ഉള്‍പ്പെടെയുള്ള സ്ഥലങ്ങളില്‍ 1264 പേര്‍ ആറ് സംഘങ്ങളായി തിരിഞ്ഞാണ് തിരച്ചില്‍ നടത്തുക. സൈന്യത്തിന്റെ റഡാറുകളും പരിശോധനയ്ക്കായി ഉപയോഗിക്കും.

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴ തുടരും. വടക്കൻ കേരളത്തിൽ മഴ കനക്കും. ആറു ജില്ലകളിൽ അതിശക്ത മഴ മുന്നറിയിപ്പുണ്ട്. മറ്റൊരു ന്യൂനമർദ്ദം തെക്ക് പടിഞ്ഞാറൻ രാജസ്ഥാന് മുകളിൽ രൂപപ്പെട്ടിട്ടുണ്ട്

ഗാസ നഗരത്തിലെ ഷെയ്ഖ് റദ്‌വാന്‍ ഭാഗത്ത് അഭയാര്‍ഥികളെ താമസിപ്പിച്ചിരുന്ന സ്‌കൂളിനു നേരെ ഇസ്രയേല്‍ നടത്തിയ വ്യോമാക്രമണത്തില്‍ 15 പലസ്തീന്‍കാര്‍ കൊല്ലപ്പെട്ടു

പാരിസ് ഒളിംപിക്സ് വനിതാ 100 മീറ്റർ ഫൈനലിൽ സെന്റ് ലൂസിയയുടെ ജൂലിയൻ ആൽഫ്രഡ് ചാംപ്യൻ. നിലവിലെ ലോക ചാംപ്യൻ യുഎസിന്റെ ഷാകെറി റിച്ചഡ്സനെ പിന്തള്ളിയാണ് ജൂലിയന്റെ നേട്ടം.

ഇന്ത്യ- ശ്രീലങ്ക രണ്ടാം ഏകദിന മത്സരം ഇന്ന് നടക്കും. കൊളംബോ പ്രേമദാസ സ്റ്റേഡിയത്തില്‍ ഉച്ചയ്ക്ക് 2.30 മുതലാണ് മത്സരം. ആദ്യമത്സരത്തിലെ അപ്രതീക്ഷിത 'ടൈ' നല്‍കിയ ക്ഷീണം മറികടക്കാനാണ് ഇന്ത്യയുടെ ശ്രമം