പ്രശസ്ത സിനിമാ ഛായാ​ഗ്രാഹകൻ ഷാജി കുമാർ മരിച്ചു. രാജ്യത്ത് ഏകീകൃത സിവിൽ കോഡ് നടപ്പിലാക്കുമെന്ന് കേന്ദ്രമന്ത്രി. ബുക്കർ പ്രൈസ് ബ്രിട്ടീഷ് എഴുത്തുകാരൻ ജോൺ ഹാരിസണ്. യുഎസ് പ്രതിരോധ സെക്രട്ടറി പീറ്റ് ഹെ​ഗ്സേത്തിനെതിരെ ഇംപീച്ച്മെന്റ് പ്രമേയം. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം.

പ്രശസ്ത ഛായാഗ്രാഹകൻ ഷാജികുമാർ അന്തരിച്ചു. കൊച്ചിയിലാണ് അന്ത്യം. സിനിമ സെറ്റിൽ വച്ച് ദേഹാസ്വാസ്ഥ്യമുണ്ടായതിനെ തുടർന്ന് അദ്ദേഹത്തെ ആശുപത്രിയിൽ പ്രവേശിപ്പിച്ചിരുന്നു. കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം. രണ്ട് ദിവസം മുൻപ് ആലപ്പുഴയിൽ ദിലീപ് ചിത്രത്തിന്റെ സെറ്റിൽ വച്ചാണ് ഷാജികുമാറിന് ദേഹാസ്വാസ്ഥ്യമുണ്ടായത്. 

ഏകീകൃത സിവില്‍ കോഡ് (UCC) രാജ്യത്തുടനീളം നടപ്പിലാക്കുമെന്ന് കേന്ദ്ര നിയമമന്ത്രി അര്‍ജുന്‍ റാം മേഘ്‍വാൾ. ഭരണഘടനാപരമായ അടിത്തറയുള്ളതിനാല്‍ ഈ നിയമം രാജ്യത്തുടനീളം നടപ്പിലാക്കാന്‍ കേന്ദ്രസര്‍ക്കാര്‍ പ്രതിജ്ഞാബദ്ധമാണ്. ഏതാനും ചില സംസ്ഥാനങ്ങളില്‍ മാത്രമായി നിയമം പരിമിതപ്പെടുത്തുന്നത് ന്യായീകരിക്കാനാകില്ലെന്നും കേന്ദ്ര നിയമമന്ത്രി പറഞ്ഞു.

2026ലെ മികച്ച സാഹിത്യ കൃതിക്കുള്ള ബുക്കർ പ്രൈസ് പ്രമുഖ ബ്രിട്ടീഷ് എഴുത്തുകാരൻ എം ജോൺ ഹാരിസന്. അദ്ദേഹത്തിന്റെ 'ദി എൻഡ് ഓഫ് എവരിതിങ്' എന്ന സയൻസ് ഫിക്ഷൻ നോവലിനാണ് പുരസ്‌കാരം. ബുക്കർ പുരസ്‌കാര ചരിത്രത്തിൽ ഒരു സയൻസ് ഫിക്ഷൻ നോവലിന് ഈ നേട്ടം ലഭിക്കുന്നത് ആദ്യമായാണ്. ഈ അംഗീകാരം ലഭിക്കുന്ന ഏറ്റവും പ്രായം കൂടിയ വ്യക്തിയെന്ന ബഹുമതിയും എം ജോൺ ഹാരിസൻ സ്വന്തമാക്കി. 

ഇടക്കാല തെരഞ്ഞെടുപ്പ് ഫലത്തിന് പിന്നാലെ, ട്രംപ് ഭരണകൂടത്തിലെ പ്രധാനിയും യുഎസ് പ്രതിരോധ സെക്രട്ടറിയുമായ പീറ്റ് ഹെഗ്സേത്തിനെതിരെ ഇംപീച്ച്മെന്റ് പ്രമേയം. റിപ്പബ്ലിക്കൻ പാർട്ടിനേതാവും കെന്റക്കിയിൽ നിന്നുള്ള ജനപ്രതിനിധിയുമായ തോമസ് മാസിയാണ് ജനപ്രതിനിധി സഭയിൽ ഇംപീച്ച്മെന്റ് പ്രമേയം അവതരിപ്പിച്ചത്. ഇറാൻ യുദ്ധത്തിന്റെ പശ്ചാത്തലത്തിലാണ് നടപടി.

കുടുംബത്തിൽ നിലനിന്നിരുന്ന അഭിപ്രായ വ്യത്യാസങ്ങൾ പരിഹരിക്കും. ഉദ്യോഗത്തിൽ പുതിയ ഉത്തരവാദിത്വങ്ങൾ ലഭിക്കും. മക്കളുടെ വിദ്യാഭ്യാസ കാര്യങ്ങളിൽ പുരോഗതിയുണ്ടാകും. വിവാഹം ആലോചിക്കുന്നവർക്ക് അനുകൂലമായ തീരുമാനമുണ്ടാകും. വിദേശത്ത് ജോലി ലഭിക്കാനുള്ള ശ്രമങ്ങൾ വിജയിക്കും. വീടുമായി ബന്ധപ്പെട്ട അറ്റകുറ്റപ്പണികൾ പൂർത്തിയാക്കും.