സിപിഎം സംസ്ഥാന സെക്രട്ടേറിയറ്റ് യോഗം ഇന്ന്. തെരഞ്ഞെടുപ്പ് സംബന്ധിച്ച പ്രാഥമിക വിലയിരുത്തല് യോഗത്തില് ഉണ്ടാകും. ഇപ്പോഴുള്ള സീറ്റുകള് കുറയാമെങ്കിലും തുടര്ഭരണത്തിനുള്ള സാധ്യതയുണ്ടെന്ന വിലയിരുത്തലിലാണ് ശനിയാഴ്ച നടന്ന ജില്ലാതല യോഗങ്ങളിലുണ്ടായത്. ജില്ലാതല റിപ്പോര്ട്ട്് അടിസ്ഥാനമാക്കിയുള്ളു വിലയിരുത്തലാണ് സെക്രട്ടേറിയറ്റ് യോഗത്തിലുണ്ടാകുക. വീണാ ജോര്ജ് ഉള്പ്പടെ അഞ്ച് മന്ത്രിമാര് വിജയിക്കുമെന്നാണ് സിപിഎം ജില്ലാ കമ്മിറ്റികളുടെ വിലയിരുത്തല്..അമേരിക്കയും ഇറാനും തമ്മില് പാകിസ്ഥാന്റെ മധ്യസ്ഥതയില് ഇസ്ലാമാബാദില് നടന്ന സമാധാന ചര്ച്ചകള് 15 മണിക്കൂറുകള്ക്കൊടുവില് താല്ക്കാലികമായി പിരിഞ്ഞു. ശനിയാഴ്ച ആരംഭിച്ച ചര്ച്ചകള് പാകിസ്ഥാന് സമയം അര്ദ്ധരാത്രി പിന്നിട്ടും തുടര്ന്നു. അഭിപ്രായവ്യത്യാസങ്ങളില് കൃത്യമായ ധാരണയിലെത്താന് ഇരുരാജ്യങ്ങള്ക്കും സാധിക്കാത്ത സാഹചര്യത്തില് ഞായറാഴ്ചയും ചര്ച്ചകള് തുടരുമെന്ന് ഇറാന്റെ പ്രാദേശിക മാധ്യമങ്ങള് റിപ്പോര്ട്ട് ചെയ്തു..സംസ്ഥാനത്ത് ഇന്നും നാളെയും ഉയര്ന്ന താപനില മുന്നറിയിപ്പ്. 12 ജില്ലകളിലാണ് കേന്ദ്ര കാലാവസ്ഥ വകുപ്പ് ജാഗ്രതാനിര്ദേശം നല്കിയത്. പാലക്കാട് ജില്ലയിലാണ് ഏറ്റവും കൂടുതല് ചൂട് അനുഭവപ്പെടുന്നത്. ഇവിടെ താപനില 40 ഡിഗ്രി സെല്ഷ്യസായി ഉയരുമെന്നും കാലാവസ്ഥ വകുപ്പ് അറിയിച്ചു. കഴിഞ്ഞ ദിവസം പാലക്കാട് ചൂട് 40 ഡിഗ്രി കടന്നിരുന്നു. ഈ സീസണിലെ റെക്കോര്ഡ് ചൂടാണ് രേഖപ്പെടുത്തിയത്.തമിഴ്നാട്ടില് നിയമസഭാ തെരഞ്ഞെടുപ്പിനുള്ള അന്തിമ സ്ഥാനാര്ഥി പട്ടികയായി. 4023 സ്ഥാനാര്ഥികളാണ് സംസ്ഥാനത്ത 234 മണ്ഡലങ്ങളിലായി മത്സരിക്കുന്നത്..ഐഎസ്എല് പന്ത്രണ്ടാം സീസണില് ആദ്യ വിജയം സ്വന്തമാക്കി കേരള ബ്ലാസ്റ്റേഴ്സ്. ആറ് തോല്വിയും ഒരു സമനിലയും നേരിട്ട ശേഷമാണ് കേരള ബ്ലാസ്റ്റേഴ്സ് ബംഗളൂരുവിന് എതിരെ വിജയം നേടിയത്. ഒന്നിനെതിരെ രണ്ട് ഗോളുകള്ക്കാണ് കേരള ബ്ലാസ്റ്റേഴ്സ് വിജയം കണ്ടെത്തിയത്. വിക്ടര് ബെര്ട്ടോമിയു, ഫ്രാന്സിസ്കോ ഫ്യൂയിലസ്യര് എന്നിവരാണ് കേരളത്തിന് വേണ്ടി ഗോള് നേടിയത്. ബ്ലാസ്റ്റേഴ്സ് താരം ഫലൗ എന്ഡിയായെ നേടിയ സെല്ഫ് ഗോളാണ് ബംഗളൂരുവിന്റെ അക്കൗണ്ടില് ചേര്ത്തത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates