തൃശൂർ: ബൈക്ക് വാങ്ങാനെന്ന വ്യാജേന എത്തി ഓടിച്ചു നോക്കാൻ കൊണ്ടുപോയി വണ്ടിയുമായി കടന്നു കളഞ്ഞയാൾ പിടിയിൽ. വർക്കല ചെമ്പരത്തി രോഹിണി നിവാസിൽ ശിവജി (47) അറസ്റ്റിലായത്. 

ബൈക്ക് ഇരിങ്ങാലക്കുടയിൽ പണയം വച്ച ശേഷം വയനാട് മീനങ്ങാടിയിൽ ഒളിവിൽ കഴിയുന്നതിനിടെയാണ് ഇയാൾ നെടുപുഴ പൊലീസിന്റെ പിടിയിലായത്. ചിയ്യാരം സ്വദേശി രാജീവിന്റേതാണു ബൈക്ക്. 

ശിവജി ഊരകത്തെ വാടക വീട്ടിലായിരുന്നു കുടുംബ സമേതം താമസിച്ചിരുന്നത്. എസ്ഐ കെസി ബൈജുവിന്റെ നേതൃത്വത്തിലുള്ള സംഘമാണു പ്രതിയെ അറസ്റ്റ് ചെയ്തത്.