Top 5 News Today

Kerala

സമാധാന കരാറില്‍ ഇന്ന് ഒപ്പുവെക്കുമെന്ന് ട്രംപ്, ബ്രസീലിനെ വിറപ്പിച്ച് മൊറോക്കോ, മലയിടംതുരുത്തില്‍ പരിഹാരം; ഇന്നത്തെ 5 പ്രധാന വാര്‍ത്തകള്‍

ജാതിയുടെ തടസ്സങ്ങൾ മറികടക്കുമ്പോഴേ എല്ലാ മനുഷ്യരും തുല്യരാവൂ, ജനങ്ങളുടെ മനസ്സിൽനിന്ന് ജാതി തുടച്ചുനീക്കാൻ നടപടി സ്വീകരിക്കണമെന്ന് മദ്രാസ് ഹൈക്കോടതി

Author : സമകാലിക മലയാളം ഡെസ്ക്

Edited By : Jayakumar

Updated:14th Jun, 2026 at 7:51 AM

സമാധാന കരാറില്‍ ഇന്ന് ഒപ്പുവെക്കുമെന്ന് ട്രംപ്. എന്നാൽ സമയം തീരുമാനിച്ചില്ലെന്ന് ഇറാന്‍ പ്രതികരിച്ചു. ലോകകപ്പിൽ ബ്രസീലിനെ മൊറോക്കോ സമനിലയിൽ തളച്ചു. ഖത്തർ- സ്വിസ് മത്സരവും സമനിലയിൽ. മലയിടംതുരുത്ത് ഒഴിപ്പിക്കലിൽ പരിഹാരമായി. ഇന്നത്തെ 5 പ്രധാന വാർത്തകൾ ( Top 5 News Today) അറിയാം

Add Samakalika Malayalam as a Trusted Source

സമാധാനം അരികെ ?

ഡോണള്‍ഡ് ട്രംപ്

പശ്ചിമേഷ്യയില്‍ മാസങ്ങളായി തുടരുന്ന സംഘര്‍ഷം അവസാനിപ്പിക്കാന്‍ അമേരിക്കയും ഇറാനും തമ്മിലുള്ള സമാധാന കരാര്‍ ഞായറാഴ്ച ഒപ്പുവെക്കുമെന്ന് യുഎസ് പ്രസിഡന്റ് ഡോണള്‍ഡ് ട്രംപ്. കരാര്‍ യാഥാര്‍ഥ്യമാകുന്നതിനു പിന്നാലെ തന്ത്രപ്രധാനമായ ഹോര്‍മുസ് കടലിടുക്ക് എല്ലാവര്‍ക്കുമായി തുറന്നു നല്‍കുമെന്നും ട്രംപ് പറഞ്ഞു. എന്നാല്‍ കരാര്‍ ഒപ്പിടുന്ന സമയത്തെക്കുറിച്ച് ഇതുവരെ അന്തിമ ധാരണയായിട്ടില്ലെന്ന് ഇറാന്‍ പ്രതികരിച്ചു.

ദലിത് കുടുംബങ്ങളെ കുടിയിറക്കില്ല

റോജി എം ജോണ്‍

അധികാരമേറ്റയുടന്‍ തന്നെ യുഡിഎഫ് സര്‍ക്കാരിന് തലവേദനയായ എറണാകുളം മലയിടംതുരുത്ത് ഭൂമി കുടിയിറക്കല്‍ പ്രശ്‌നത്തില്‍ പരിഹാരമായി. മന്ത്രി റോജി എം ജോണിന്റെ നേതൃത്വത്തില്‍ സര്‍ക്കാരും പ്രാദേശിക ജനപ്രതിനിധികളും ചേര്‍ന്ന് നടത്തിയ നിര്‍ണായക ചര്‍ച്ചയില്‍ ഉയര്‍ന്ന സമവായ ഫോര്‍മുല ഇരുവിഭാഗവും അംഗീകരിച്ചു. ഇതേത്തുടര്‍ന്ന് സമരസമിതി സമരം ഔദ്യോഗികമായി അവസാനിപ്പിച്ചു.

ശക്തമായ മഴ തുടരും

kerala rain

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴ തുടരും. സംസ്ഥാനത്തെ നാലു ജില്ലകളില്‍ ഇന്ന് ശക്തമായ മഴ പ്രവചിച്ചിട്ടുണ്ട്. പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ടയിടങ്ങളില്‍ ഇടിമിന്നലിനും, മണിക്കൂറില്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

ബ്രസീലിനെ വിറപ്പിച്ചു

Brazil

ലോകകപ്പിൽ മുൻ ലോക ചാംപ്യന്മാരായ ബ്രസീലിനെ സമനിലയിൽ തളച്ച് മൊറോക്കോ. ഗ്രൂപ്പ് സിയിലെ മത്സരത്തിൽ കാനറികളെ 1-1 എന്ന നിലയിലാണ് മൊറോക്കോ തളച്ചത്. മൊറോക്കോയ്ക്കായി ഇസ്മായിൽ സായ്ബാറിയും ബ്രസീലിനായി വിനീഷ്യസ് ജൂനിയറും ഗോൾ നേടി. സമനിലയായതോടെ ഗ്രൂപ്പ് സിയിൽ ബ്രസീലും മൊറോക്കോയും ഓരോ പോയിന്റ് പങ്കിട്ടു.

സാമ്പത്തിക കാര്യങ്ങളിൽ പുരോഗതി

ഇന്നത്തെ നക്ഷത്രഫലം horoscope

പഴയ ശ്രമങ്ങൾക്ക് ഫലം ലഭിക്കും.പുതിയ മേഖലകളിൽ താൽപര്യം വർധിക്കും. ജോലിയിൽ ഉയർച്ച നേടും. സാമ്പത്തിക കാര്യങ്ങളിൽ പുരോഗതി ഉണ്ടാകും. കുടുംബത്തിൽ സമാധാനം നിലനിൽക്കും. പ്രധാനപ്പെട്ട ഒരു കൂടിക്കാഴ്ച ഗുണകരമാകും. പുതിയ അവസരങ്ങൾ ലഭിക്കും. വ്യാപാരകാര്യങ്ങളിൽ പുരോഗതി ഉണ്ടാകും. മനസ്സിൽ ആത്മവിശ്വാ സം വർധിക്കും. പ്രാർത്ഥന മുടങ്ങാതെ നടത്തുക.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates

SCROLL FOR NEXT