കലവൂര്‍: മച്ചില്‍ അകപ്പെട്ട പൂച്ചയെ രക്ഷിക്കാന്‍ ശ്രമിക്കുന്നതിന് ഇടയില്‍ വീണ് പരിക്കേറ്റ ഗൃഹനാഥന്‍ മരിച്ചു. കലവൂര്‍ തകിടിവെളി സാജു(52) ആണ് മരിച്ചത്. 

അടുത്ത വീട്ടിലെ പൂച്ച തന്റെ പൂച്ചയുമായി കടിപിടി കൂടുന്നതിന് ഇടയിലാണ് പൂച്ചയെ രക്ഷിക്കാനായി ജനലിലൂടെ സാജു മച്ചിന്റെ മുകളിലെത്തിയത്. എന്നാല്‍ ആസ്ബസ്റ്റോസ് മച്ച് പൊളിഞ്ഞ് സാജു തലയിടിച്ച് വീണു. 

ആദ്യം ആലപ്പുഴ മെഡിക്കല്‍ കോളജിലും പിന്നാലെ വൈക്കത്തെ സ്വകാര്യ ആശുപത്രിയിലും എത്തിച്ചു. എന്നാല്‍ ബുധനാഴ്ച വൈകീട്ടോടെ മരിച്ചു. പരിശോധനയില്‍ കോവിഡ് പോസിറ്റീവ് ഫലം വന്നതോടെ മാനദണ്ഡങ്ങള്‍ പാലിച്ചാണ് സംസ്‌കാര ചടങ്ങുകള്‍.

ഈ വാര്‍ത്ത കൂടി വായിക്കാം 

'തിന്മയുടെ കരാളതകളെ ഒരുതരത്തിലും വച്ചുപൊറുപ്പിക്കില്ല; സര്‍ക്കാര്‍ അതിജീവിതക്കൊപ്പം'; ദേശാഭിമാനി മുഖപ്രസംഗം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ