കൊച്ചി: കോതമം​ഗലത്ത് തെലുങ്ക് സിനിമ ഷൂട്ടിങ്ങിനെത്തിച്ച ആനകൾ തമ്മിൽ ഏറ്റുമുട്ടി. പുതുപ്പള്ളി സാധു, തടത്താവിള മണികണ്ഠൻ എന്നീ ആനകൾ തമ്മിലാണ് ഏറ്റുമുട്ടിയത്. കുത്തേറ്റ പുതുപ്പള്ളി സാധു എന്ന ആന കാടുകയറി.

എഡിജിപിയെ മാറ്റാന്‍ മൂഹൂര്‍ത്തം കുറിച്ചിട്ടില്ല; ഇടതുപക്ഷ പരിഹാരം ഉണ്ടാകും; ബിനോയ് വിശ്വം

വിജയ് ദേവരകൊണ്ട നായകനായെത്തുന്ന പുതിയ ചിത്രത്തിന്റെ ഷൂട്ടിങ്ങിനെത്തിച്ചതായിരുന്നു ആനകളെ. തുണ്ടം ഫോറസ്റ്റ് സ്റ്റേഷന് സമീപമാണ് സംഭവം. അഞ്ച് ആനകളെയായിരുന്നു ഷൂട്ടിങ്ങിനായി കൊണ്ടുവന്നത്. പാപ്പാനെയും ആന ആക്രമിച്ചതായാണ് വിവരം.

ആന മൂന്നാർ ഫോറസ്റ്റ് റേഞ്ചിലേക്ക് കടന്നതായാണ് വിവരം. മുൻപും പുതുപ്പള്ളി സാധു എന്ന ആന കാടുകയറിയിട്ടുണ്ട്. പിന്നീട് ഒരുമാസത്തിന് ശേഷമാണ് ആനയെ തിരികെയെത്തിച്ചത്. 20ഓളം പേരടങ്ങിയ സംഘമാണ് ആനയ്ക്കായി തിരച്ചിൽ നടത്തുന്നത്.