കൊച്ചി: എറണാകുളം പാലാരിവട്ടത്ത് ജല അതോറിറ്റിയുടെ പൈപ്പ് പൊട്ടി റോഡ് തകര്ന്നു. വെള്ളം കുത്തിയൊഴുകുന്ന ദൃശ്യങ്ങള് പുറത്തുവന്നു. പാലാരിവട്ടം പള്ളി സെമിത്തേരിക്ക് മുമ്പിലാണ് പൈപ്പ് പൊട്ടിയത്. ശനിയാഴ്ച ഉച്ചയോടെയായിരുന്നു സംഭവം.
ഈ ഭാഗത്ത് റോഡ് തകരുകയും വന്തോതില് മണ്ണ് കുത്തിയൊലിച്ച് പോവുകയും ചെയ്തിട്ടുണ്ട്. വഴിയില് വലിയ രീതിയിലുള്ള വെള്ളക്കെട്ടും അനുഭവപ്പെട്ടു. നിലവില് പമ്പിങ് നിര്ത്തിവെച്ചിരിക്കുകയാണ്.
പ്രശ്നം പരിഹരിക്കുന്നത് വരെ സ്ഥലത്ത് കുടിവെള്ള വിതരണം തടസപ്പെടും. നേരത്തെ തമ്മനത്തും ഇത്തരത്തില് പൈപ്പ് പൊട്ടിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates