പ്രതീക്ഷകളോടെയാണ് കേരളം വിഡി സതീശനെ മുഖ്യമന്ത്രിയായി അവരോധിച്ചതെന്ന് നടൻ മോഹൻലാൽ. കൊച്ചിയിൽ മുഖ്യമന്ത്രിക്ക് പൗരാവലി ഒരുക്കിയ സ്വീകരണത്തിൽ സംസാരിക്കുകയായിരുന്നു അദ്ദേഹം. മയക്കുമരുന്നിനെ നമുക്ക് തുടച്ചു നീക്കാനാകുമെന്നും അദ്ദേഹം കൂട്ടിച്ചേർത്തു.. ബക്രീദ് പ്രമാണിച്ച് സംസ്ഥാനത്ത് രണ്ടു ദിവസം അവധി. 27ന് പുറമെ 28 കൂടിയാണ് സംസ്ഥാന സര്ക്കാര് അവധി പ്രഖ്യാപിച്ചത്..സംസ്ഥാനത്ത് ശക്തമായ മഴ തുടരുന്നു. തീവ്രമഴ കണക്കിലെടുത്ത് എറണാകുളം ജില്ലയില് കേന്ദ്രകാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചു. 12 ജില്ലകളിലാണ് നിലവില് മഴ മുന്നറിയിപ്പ്. ശക്തമായ മഴയെ തുടര്ന്ന് ഭൂതത്താന് കെട്ട് ബാരേജിന്റെ ഷട്ടറുകള് തുറന്നു. ജലനിരപ്പ് ക്രമീകരിക്കുന്നതിനായാണ് നിയന്ത്രിത തുറക്കല് എന്ന് ജില്ലാ ഭരണകൂടം അറിയിച്ചു..ധനസ്ഥിതി സംബന്ധിച്ച് സര്ക്കാര് ധവളപത്രം പുറത്തിറക്കാനിരിക്കെ, എല്ഡിഎഫ് സര്ക്കാര് ഇറങ്ങി യുഡിഎഫ് സര്ക്കാര് അധികാരത്തിലേറുമ്പോള് ഖജനാവില് ബാക്കിയുണ്ടായിരുന്നത് 5,429 കോടി രൂപയെന്ന് വിവരാവകാശ രേഖ. ഈ മാസം ഒന്ന് വരെയുള്ള കണക്കാണിത്. ധനവകുപ്പിന്റെ വിവരാവകാശ മറുപടിയിലാണ് ഈ വിവരമുള്ളത്..മുഖ്യമന്ത്രി വിഡി സതീശന് ഗുരുവായൂര് ക്ഷേത്രത്തില് ദര്ശനം നടത്തി. കണ്ണനെ തൊഴുത് പ്രാര്ത്ഥിച്ചു വെണ്ണ കൊണ്ട് തുലാഭാര വഴിപാടും മുഖ്യമന്ത്രി നടത്തി. ഇന്ന് രാവിലെ ഏഴു മണിയോടെയാണ് അദ്ദേഹമെത്തിയത്. ദേവസ്വം ചെയര്മാന് എ വി ഗോപിനാഥ്, അഡ്മിനിസ്ട്രേറ്റര് ഒ ബി അരുണ്കുമാര് എന്നിവരുടെ നേതൃത്വത്തില് മുഖ്യമന്ത്രിയെ സ്വീകരിച്ചു. ദേവസ്വം ചെയര്മാന് മുഖ്യമന്ത്രിയെ പൊന്നാടയണിയിച്ചു വരവേറ്റു..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates