കണ്ണൂര്‍: കണ്ണൂരില്‍ ആര്‍എസ്എസ് പ്രവര്‍ത്തകന്‍ കൊല്ലപ്പെട്ട സംഭവത്തില്‍ പ്രതികരണവുമായി മുഖ്യമന്ത്രി പിണറായി വിജയന്‍. കൊലപാതകം ദൗര്‍ഭാഗ്യകരമായെന്ന് മുഖ്യമന്ത്രി പറഞ്ഞു. 

കൊലപാതകത്തില്‍ ഉത്തരവാദികളായ പ്രതികളെ നിയമത്തിന് മുന്നില്‍ കൊണ്ടുവരാന്‍ വേണ്ട നടപടികളെടുക്കും. ഒറ്റപ്പെട്ട സംഭവമാണ് വെള്ളിയാഴ്ചത്തെ കൊലപാതകം. കണ്ണൂരിലെ സമാധാനം പുനഃസ്ഥാപിക്കാന്‍ എല്ലാവരും മുന്‍കൈ എടുക്കണമെന്നും, ബന്ധപ്പെട്ടവര്‍ ജാഗ്രത പാലിക്കണമെന്നും മുഖ്യമന്ത്രി പറഞ്ഞു. 

ആര്‍എസ്എസ് പ്രവര്‍ത്തകന്‍ കൊലപാതകത്തെ തുടര്‍ന്ന് കണ്ണൂരില്‍ രാഷ്ട്രീയ സംഘര്‍ഷം ഉണ്ടാകാമെന്ന് രഹസ്യാന്വേഷണ വിഭാഗം മുന്നറിയിപ്പ് നല്‍കിയിരുന്നു. മുഖ്യമന്ത്രി കൂടി ഇന്ന് കണ്ണൂരില്‍ വിവിധ പരിപാടികളില്‍ പങ്കെടുക്കുന്ന സാഹചര്യത്തില്‍ കണ്ണൂരിലെ സുരക്ഷ വര്‍ധിപ്പിച്ചിട്ടുണ്ട്.