എരുമേലി: ചെറുവള്ളി എസ്റ്റേറ്റ് കയ്യേറി കുടില്കെട്ടി പ്രതിഷേധിച്ച സമരക്കാരെ പൊലീസ് ഒഴിപ്പിച്ചു. സ്ത്രീകളും കുട്ടികളുമടങ്ങുന്ന സംഘമാണ് സമരത്തിനെത്തിയത്. ഇവര് കെട്ടിയ കുടിലുകള് പൊലീസ് പൊളിച്ചുമാറ്റി.
എരുമേലി കരിമ്പിന്തോട് ഭാഗത്ത് നാനൂറിലധികം പേരാണ് എസ്റ്റേറ്റില് സമരത്തിനെത്തിയത്. അനധികൃതമായി കൈവശം വച്ചിരിക്കുന്നവരില് നിന്ന് എസ്റ്റേറ്റ് തിരിച്ചുപിടിച്ച് കര്ഷകര്ക്ക് നല്കണമെന്നായിരുന്നു ആവശ്യം. സമരം ആരംഭിച്ചത് പുലര്ച്ചെ രണ്ടരയോടെയാണ്. സാമൂഹ്യ സമത്വ ജനാധിപത്യ വേദിയാണ് നിര്ദിഷ്ട ശബരിമല വിമാനത്താവള പദ്ധതിക്കായി പരിഗണിക്കുന്ന മേഖലയില് സമരം നടത്തിയത്.
എസ്റ്റേറ്റില് കടന്ന നാനൂറോളം സമരക്കാര് വിവിധയിടങ്ങളില് കുടിലുകള് കെട്ടി പ്രതിഷേധ മുദ്രാവാക്യങ്ങള് മുഴക്കി. ഹാരിസണടക്കം വന്കിട കമ്പനികള് വലിയ തോതില് ഭൂമി കൈവശം വച്ചിട്ടുണ്ടെന്നും അത് സര്ക്കാര് തിരിച്ചുപിടിക്കുന്നില്ലെന്നും സമരക്കാര് ആരോപിച്ചു. നിരവധി സിവില് കേസുകള് നല്കിയെങ്കിലും സര്ക്കാര് അത് പരിഗണിക്കാതെ ഒളിച്ചുകളി നടത്തുകയാണെന്ന് ഇവര് ആരോപിക്കുന്നു.സര്ക്കാര് ഇടപെടല് ഉണ്ടാകും വരെ പ്രതിഷേധം തുടരാനായിരുന്നു് സാമൂഹ്യ സമത്വ ജനാധിപത്യ വേദിയുടെ തീരുമാനം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates