കൊച്ചി: തിരുവനന്തപുരം വിമാനത്താവളം വഴി സ്വര്‍ണം കടത്തിയ കേസില്‍ മുഖ്യപ്രതിയായ മുന്‍ കസ്റ്റംസ് സൂപ്രണ്ട് ബി രാധാകൃഷ്ണന്‍ പിടിയില്‍. കൊച്ചിയിലെ സിബിഐ ഓഫീസിന് സമീപത്തുവെച്ചാണ് ഇയാളെ പൊലീസ് പിടികൂടിയത്. സിബിഐ ഓഫീസില്‍ ഹാജാരാകാന്‍ എത്തുന്നതിനിടെയാണ്് അറസ്റ്റ് ചെയ്തത്.
സ്വര്‍ണക്കടത്തുകേസുമായി ബന്ധപ്പെട്ട് ബി രാധാകൃഷ്ണനടക്കം നാലുപേര്‍ക്കെതിരെ ഡിആര്‍ഐയുടെ നിര്‍ദ്ദേശപ്രകാരം കരുതല്‍ തടങ്കല്‍ ഇത്തരവ് ഉണ്ടായിരുന്നു. ഇത്തരവ് വന്നതിന് പിന്നാലെ ഇയാള്‍ ഒളിവില്‍ പോകുകയായിരുന്നു. കേസില്‍ ബി രാധാകൃഷ്ണന്റെ പങ്ക് ബോധ്യമായതോടെ സിബിഐ പ്രത്യേകം കേസെടുത്ത് അന്വേഷണം ആരംഭിച്ചിരുന്നു. ഇതിന്റെ ഭാഗമായി സിബിഐ ഓഫീസില്‍ ഹാജരാകാന്‍ അദ്ദേഹത്തിന്റെ വീട്ടിലെത്തി നോട്ടീസ് നല്‍കി. സിബിഐ ഓഫീസിലെത്തുന്നതിനിടെയാണ് കരുതല്‍ തടങ്കല്‍ ഉത്തരവ് പ്രകാരം ഇയാളെ പൊലീസ് അറസ്റ്റ് ചെയ്തത്. രാധാകൃഷ്ണനെ പൂജപ്പുര സെന്‍ട്രല്‍ ജയിലിലേക്ക് കൊണ്ടുപോകും.
തന്നെ സ്വര്‍ണക്കടത്തുകാരുമായി ബന്ധപ്പെടുത്തിയത് ബാലഭാസ്‌കറും വി രാധാകൃഷ്ണനുമാണെന്ന്് കേസിലെ മറ്റൊരു പ്രതി വിഷ്ണുസോമസുന്ദരം മൊഴി നല്‍കിയിരുന്നു. രാധാകൃഷ്ണന്‍ അറസ്റ്റിലായതോടെ സ്വര്‍ണക്കടത്തുമായി ബന്ധപ്പെട്ട ബാലഭാസ്‌കറിന്റെ പങ്ക് സംബന്ധിച്ച സംശയങ്ങളില്‍ വ്യക്തത വരുമെന്നാണ് കരുതുന്നത്.
വ്യക്തമാകും. തിരുവനന്തപുരം വിമാനത്താവളം വഴി 705 കിലോ സ്വര്‍ണം കടത്താന്‍ ഇയാള്‍ സഹായിച്ചതായി അന്വേഷണ ഏജന്‍സികള്‍ കണ്ടെത്തിയിരുന്നു. സ്വര്‍ക്കടത്ത് നടന്ന സമയത്തെല്ലാം എക്‌സറേ പരിശോധനയില്‍ ഡ്യൂട്ടിക്ക് ഇയാളാണ് ഉണ്ടായിരുന്നത്. ആ സമയത്തൊക്കെ യാതൊരു പരിശോധനയും നടത്താതെ ഇയാള്‍ സഹായിക്കുകയായിരുന്നു. ഇദ്ദേഹത്തിന്റെ സാമ്പത്തിക ഇടപാടുകള്‍ സംബന്ധിച്ച് കൂടുതല്‍ വിവരങ്ങള്‍ അന്വേഷണത്തില്‍ കണ്ടെത്താനാകുമെന്നാണ് സിബിഐ കരുതുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates