വയനാട് : പീഡന ശ്രമത്തിന് കേസെടുത്തതിനെ തുടർന്ന് സിപിഎം നേതാവ് പഞ്ചായത്ത് പ്രസിഡന്റ് സ്ഥാനം രാജിവെച്ചു. വയനാട് നെന്മേനി പ‍ഞ്ചായത്ത് പ്രസിഡന്റ് സി ആർ കറപ്പനാണ് രാജിവെച്ചത്. പാർട്ടി നിർദേശ പ്രകാരമാണ് രാജി സമർപ്പിച്ചത്. 

വീട്ടിൽ കയറി പീഡിപ്പിക്കാൻ ശ്രമിച്ചു എന്ന യുവതിയുടെ പരാതിയിൽ അമ്പല വയൽ പൊലീസ് ഇന്നലെ കറപ്പനെതിരെ കേസെടുത്തിരുന്നു. സംഭവം വിവാദമായതോടെ പഞ്ചായത്ത് പ്രസിഡന്റ് സ്ഥാനത്ത് നിന്നും രാജിവെക്കാൻ പാർട്ടി കറപ്പനോട് നിർദേശിക്കുകയായിരുന്നു.