കോഴിക്കോട്: പെരുമ്പൂള-മുക്കം കോഴിക്കോട് റൂട്ടില്‍ സര്‍വീസ് നടത്തി വരുന്ന കെടിബി ബസിലെ യാത്രക്കാരിക്ക് കോവിഡ് സ്ഥിരീകരിച്ചതോടെ ആരോഗ്യ കേന്ദ്രവുമായി ബന്ധപ്പെടാന്‍ സഹയാത്രീകര്‍ക്ക് നിര്‍ദേശം. മെഡിക്കല്‍ കോളജ് ആശുപത്രിയില്‍ ഫാര്‍മസിസ്റ്റ് ആയ കാരശ്ശേരി സ്വദേശിനിക്കാണ് കോവിഡ് സ്ഥിരീകരിച്ചത്. ഇവര്‍ ഈ ബസിലാണ് സ്ഥിരമായി യാത്ര ചെയ്തുകൊണ്ടിരുന്നത്. 

യാത്രക്കാരിക്ക് കോവിഡ് സ്ഥിരീകരിച്ചതോടെ  ബസ് ജീവനക്കാരോട് 14 ദിവസം നിരീക്ഷണത്തില്‍ പോകാന്‍ ആരോഗ്യ വകുപ്പ് നിര്‍ദേശിച്ചിട്ടുണ്ട്. ഈ മാസം 25 മുതല്‍ രാവിലെ ഏഴു മണിയുടെ ട്രിപ്പില്‍ ഈ ബസില്‍ യാത്ര ചെയ്തവര്‍ ജാഗ്രത പാലിക്കണമെന്നും ആര്‍ആര്‍ടിയുമായി ബന്ധപ്പെടണമെന്നും കൂടരഞ്ഞിപഞ്ചായത്ത്  ആരോഗ്യവകുപ്പ് അറിയിച്ചു.