തിരുവനന്തപുരം: പീഢനത്തെത്തുടര്‍ന്ന് സ്വാമിയുടെ ജനനേന്ദ്രിയം യുവതി മുറിച്ച സംഭവത്തില്‍ സ്വാമിയുടെ അറസ്റ്റ് രേഖപ്പെടുത്തി. സ്വാമി ഗംഗേശാനന്ദയുടെ അറസ്റ്റാണ് പോലീസ് രേഖപ്പെടുത്തിയത്. നിലവില്‍ ആശുപത്രിയില്‍ കഴിയുന്ന സ്വാമിയെ ആശുപത്രി വിടുന്നതോടെ കോടതിയില്‍ ഹാജരാക്കും. ഇതിനിടയില്‍ തിരുവനന്തപുരം ജുഡീഷ്യല്‍ മജിസ്‌ട്രേറ്റ് കോടതി മുമ്പാകെ പെണ്‍കുട്ടി രഹസ്യമൊഴി നല്‍കി.
ബലാല്‍സംഘക്കേസിലാണ് സ്വാമിയുടെ അറസ്റ്റ് രേഖപ്പെടുത്തിയത്. പീഢനം തടയുന്നതിനായി പെണ്‍കുട്ടി സ്വാമി ഗംഗേശാനന്ദയുടെ ലിംഗം മുറിയ്ക്കുകയായിരുന്നു. ഈ വാര്‍ത്ത പുറത്തുവന്നതോടെ സ്വാമി താന്‍ സ്വയം മുറിച്ചതാണെന്ന് മൊഴി നല്‍കിയിരുന്നു. എന്നാല്‍ പോലീസെത്തി ചോദ്യം ചെയ്തപ്പോള്‍ പെണ്‍കുട്ടി മുറിച്ചതാണെന്ന് മൊഴി തിരുത്തി.
തിരുവനന്തപുരം ജുഡീഷ്യല്‍ മജിസ്‌ട്രേറ്റിന്റെ ചേംബറില്‍ നേരിട്ടെത്തി പെണ്‍കുട്ടി രഹസ്യമൊഴി നല്‍കുകയും ചെയ്തു.