തിരുവനന്തപുരം :  പൊതുമരാമത്ത് വകുപ്പിന്റെ റസ്റ്റ് ഹൗസുകളില്‍ സിബിഐക്ക് നിരോധനമില്ലെന്ന് മന്ത്രി ജി സുധാകരന്‍. പിഡബ്ല്യുഡി റസ്റ്റ് ഹൗസില്‍ സിബിഐയ്ക്ക് മുറികള്‍ നല്‍കിയത് സംബന്ധിച്ച ചില വാര്‍ത്തകള്‍ ശ്രദ്ധയില്‍പ്പെട്ടു. എന്നാല്‍ നിലവില്‍ സിബിഐക്ക് മുറികള്‍ നല്‍കുന്നതിന് തടസ്സങ്ങളൊന്നുമില്ല. സിബിഐയ്ക്ക് മുറികള്‍ നല്‍കുന്ന കാര്യത്തില്‍ മുഖ്യമന്ത്രിയുമായി ചര്‍ച്ച ചെയ്ത് അന്തിമ തീരുമാനം ഉണ്ടായതാണ്. 

ഈ കാര്യത്തില്‍ സര്‍ക്കാരിന്റെ ഭാഗത്തു നിന്നും എതിര്‍പ്പുകളൊന്നുമില്ല. ഇക്കാര്യത്തില്‍ ഉദ്യോഗസ്ഥതലത്തില്‍ എന്തെങ്കിലും വീഴ്ചകള്‍ ഉണ്ടായിട്ടുണ്ടോ എന്ന് പരിശോധിക്കും. സിബിഐക്ക് മുറികള്‍ നല്‍കുന്നതിന് മറ്റ് തടസ്സങ്ങള്‍ ഇല്ലെന്നും സര്‍ക്കാര്‍ തീരുമാനപ്രകാരം അനുവദിക്കുന്നതാണെന്നും മന്ത്രി ജി സുധാകരന്‍ വ്യക്തമാക്കി.