തിരുവനന്തപുരം:  കൃത്യസമയത്തിന് ജോലിക്കെത്താത്തവരുടെ ശമ്പളത്തില്‍ പിടിക്കാന്‍ സര്‍ക്കാര്‍ തീരുമാനിച്ചു. ശമ്പള അക്കൗണ്ടും പഞ്ചിങ് റിപ്പോര്‍ട്ടുമായി ബന്ധിപ്പിച്ച് പൊതുഭരണ വകുപ്പാണ് ഉത്തരവിറക്കിയത്. 

വൈകി എത്തുന്നവര്‍ക്ക് മാത്രമല്ല, നേരത്തേ പോകുന്നവര്‍ക്കും ഇനി മുതല്‍ പിടി വീഴും. ജോലിക്ക് വൈകിയെത്തുന്നവരെ താക്കീത് ചെയ്ത് വിട്ടയയ്ക്കുകയും ഹാജര്‍ പുസ്തകത്തില്‍ മാറ്റം വരുത്തുകയുമായിരുന്നു ഇതുവരെ ചെയ്തുവന്നിരുന്നത്. പഞ്ചിങ് കര്‍ശനമാക്കി മുന്‍പ് പലതവണ ഉത്തരവിറങ്ങിയിരുന്നുവെങ്കിലും സാലറി അക്കൗണ്ടുമായി പഞ്ചിങ് റിപ്പോര്‍ട്ട് ബന്ധിപ്പിച്ചിരുന്നില്ല.