ഷാര്ജ ജയിലില് കഴിയുന്ന 149 ഇന്ത്യക്കാര് ജയില് മോചിതരായി. ്ക്രിമിനലുകളല്ലാത്ത തടവുകരാണ് ജയില് മോചിതരായത്. മുഖ്യമന്ത്രി പിണറായി വിജയന് ഷാര്ജ ഭരണാധികാരി ഇത് സംബന്ധിച്ച് ഉറപ്പ് നല്കിയിരുന്നു. രണ്ടു കോടി ദിര്ഹം (36 കോടി രൂപ) യുടെ സാമ്പത്തിക ക്രമക്കേടില് ഉള്പ്പെട്ടവരെയാണ് നിരുപാധികം വിട്ടയക്കുന്നത്
ഗുരുതരമായ ക്രിമിനല് കുറ്റങ്ങളൊഴികെയുളള കേസുകളില്പെട്ട് ഷാര്ജ ജയിലുകളില് കഴിയുന്ന മുഴുവന് കേരളീയരെയും മോചിപ്പിക്കുമെന്ന് ഷാര്ജ ഭരണാധികാരി ഡോ. ശൈഖ് സുല്ത്താന് മുഹമ്മദ് ബിന് ഖാസിമി പ്രഖ്യാപിച്ചിരുന്നു. ചെക്ക് കേസുകളിലും സിവില് കേസുകളിലും പെട്ട് മൂന്നു വര്ഷത്തിലേറെയായി ഷാര്ജയിലെ ജയിലുകളില് കഴിയുന്നവരെ മോചിപ്പിക്കണമെന്ന് കഌഫ് ഹൗസില് നടന്ന ചര്ച്ചയില് ഷാര്ജ ഭരണാധികാരിയോട് മുഖ്യമന്ത്രി പിണറായി വിജയന് അഭ്യര്ത്ഥിച്ചിരുന്നു. ഈ അഭ്യര്ത്ഥന പ്രകാരമാണ് ജയിലുകളില് കഴിയുന്നവര്ക്ക് മാപ്പ് നല്കാന് ശൈഖ് സുല്ത്താന് തീരുമാനിച്ചത്
സിവില് കേസുകളില് ജയിലില് കഴിയുന്നവരെ മോചിപ്പിക്കാന് ഇടപെടണമെന്ന് അഭ്യര്ത്ഥിച്ച് ഗള്ഫ് രാജ്യങ്ങളില്നിന്ന് ധാരാളം നിവേദനങ്ങള് സംസ്ഥാന സര്ക്കാരിനും വിദേശ മന്ത്രാലയത്തിനും ലഭിക്കുന്നുണ്ട്. ഷാര്ജ ഭരണാധികാരി ഡോ. ശൈഖ് സുല്ത്താന് ബിന് മുഹമ്മദ് ഖാസിമി സപ്തംബര് 24 മുതല് 26 വരെ കേരളം സന്ദര്ശിച്ചപ്പോള് ഷാര്ജ ജയിലില് കഴിയുന്നവരെ മനുഷ്യത്വപരമായ പരിഗണന നല്കി മോചിപ്പിക്കണമെന്ന് അഭ്യര്ത്ഥിച്ചിരുന്നു. ഈ അഭ്യര്ത്ഥനയെ തുടര്ന്ന് 149 ഇന്ത്യക്കാരെ മോചിപ്പിക്കാന് ഷാര്ജ ഭരണാധികാരി ഉടന് തന്നെ ഉത്തരവിടുകയുണ്ടായി. ഈ സാഹചര്യം കണക്കിലെടുത്ത് യു.എ.ഇയിലെ മറ്റു എമിറേറ്റുകളുമായി ഇന്ത്യാഗവണ്മെന്റ് ബന്ധപ്പെടുകയാണെങ്കില് ഒരുപാട് ഇന്ത്യക്കാര്ക്ക് മോചനം ലഭിച്ചേക്കും. യു.എ.ഇയിലെയും മറ്റ് ഗള്ഫ് രാജ്യങ്ങളിലെയും നയതന്ത്ര കാര്യാലയങ്ങള്ക്കും ഇക്കാര്യത്തില് ആവശ്യമായ നിര്ദേശം നല്കണമെന്നും ആവശ്യപ്പെട്ട് വിദേശകാര്യമന്ത്രി സുഷമാ സ്വരാജിന് പിണറായി കത്തയയക്കുകയും ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates