ന്യുഡല്‍ഹി: സൗമ്യവധക്കേസില്‍ തിരുത്തല്‍ ഹര്‍ജി ആറംഗ ബഞ്ചിലേക്ക് മാറ്റി. ചീഫ് ജസ്റ്റീസ് ജെഎസ് കെഹാറിന്റെ നേതൃത്വത്തിലുള്ളആറംഗ ബഞ്ച് വ്യാഴാഴ്ച കേസ് പരിഗണിക്കും. ചീഫ് ജസ്റ്റീസിന്റെ ചേംബറിലാണ് ഹര്‍ജി പരിഗണിക്കുക.
കഴിഞ്ഞ ഡിസംബറിലാണ് സര്‍ക്കാര്‍ സുപ്രീംകോടതിയില്‍ തിരുത്തല്‍ ഹര്‍ജി നല്‍കിയത്. കേസിലെ പ്രതി ഗോവിന്ദച്ചാമിയുടെ വധശിക്ഷ ജീവപര്യന്തമാക്കി കുറച്ച സുപ്രീം കോടതി വിധിക്കെതിരെയാണ് സര്‍ക്കാര്‍ തിരുത്തല്‍ ഹര്‍ജി നല്‍കിയത്. വധശിക്ഷ റദ്ദാക്കിയ വിധിക്കെതിരെ സര്‍ക്കാരും സൗമ്യയുടെ അമ്മ സുമതിയും നല്‍കിയ പുനപരിശോധനാ ഹര്‍ജികള്‍ നവംബര്‍ 11ന് ജസ്റ്റിസ് രഞ്ജന്‍ ഗൊഗോയി അധ്യക്ഷനായ ബെഞ്ച് തള്ളിയിരുന്നു. തുടര്‍ന്നാണ് സര്‍ക്കാര്‍ തിരുത്തല്‍ ഹര്‍ജി നല്‍കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates