മസ്‌ക്കത്ത്: ഒമാനിലെ റോഡുകളിലൂടെ വാഹനമോടിക്കുന്നവർ ഇനി ഒന്ന് ശ്രദ്ധിച്ചോളൂ. ഇനി മുതൽ റോഡുകളിൽ നിങ്ങൾ കാണുന്നത് സ്മാർട്ട് ട്രാഫിക് ലൈറ്റുകൾ ആയിരിക്കും. വാഹനത്തിൽ നിങ്ങൾ ചെയ്യുന്ന ഓരോ നിയമവിരുദ്ധ പ്രവൃത്തികളും കൃത്യമായി സ്മാർട്ട് ട്രാഫിക് ലൈറ്റുകൾ കണ്ടെത്തും. എ ഐ കാമറകളുടെ സഹായത്തോട് കൂടിയാണ് ഇവ പ്രവർത്തിക്കുന്നത്.

റോ​ഡ് സു​ര​ക്ഷ വ​ർ​ധി​പ്പി​ക്കു​ന്ന​തി​നും ഗ​താ​ഗ​ത നി​യ​മ​ലം​ഘ​ന​ങ്ങ​ൾ ക​ണ്ടെ​ത്തു​ന്ന​തി​നുമാണ് റോ​യ​ൽ ഒ​മാ​ൻ പൊ​ലീ​സിന്റെ ഈ പുതിയ നീക്കം. ഗ​താ​ഗ​ത നി​യ​ന്ത്ര​ണം ആ​ധു​നി​ക​വ​ൽ​ക്ക​രി​ക്കു​ന്ന​തി​ന്റെ ഭാഗമായി എ ഐ കാമറകളും സ്മാർട്ട് ട്രാഫിക് ലൈറ്റുകളും വിവിധ ഇടങ്ങളിൽ ഒമാൻ പൊലീസ് സ്ഥാപിച്ചു കഴിഞ്ഞു.

സീ​റ്റ് ബെ​ൽ​റ്റ് ധ​രി​ക്കാ​തെ വാഹനമോടിക്കുക, ഡ്രൈവിങ്ങിനിടെ മൊ​ബൈ​ൽ ഫോ​ൺ ഉ​പ​യോ​ഗി​ക്കുക , അമിത വേഗം, ട്രാഫിക് നിയമങ്ങളുടെ ലംഘനം എന്നിവയാണ് പ്രധാനമായും കാമറകളിലൂടെ നീരീക്ഷിക്കാൻ കഴിയുക.

ഇ​ത്ത​രം ആ​വ​ർ​ത്തി​ച്ചു​ള്ള നി​യ​മ​ലം​ഘ​ന​ങ്ങ​ൾക്ക് പിഴയ്ക്ക് പുറമെ താ​ൽ​ക്കാ​ലി​ക ലൈ​സ​ൻ​സ് റ​ദ്ദാ​ക്ക​ൽ, വാ​ഹ​ന ക​ണ്ടു​കെ​ട്ടുക, ഡ്രൈ​വ​ർമാർക്ക് ട്രാഫിക്ക് ബോധവത്കരണ ക്ലാസുകൾ നൽകുക തുടങ്ങിയ നടപടികൾ ആകും ആദ്യ ഘട്ടത്തിൽ നൽകുക. തെറ്റുകൾ ആവർത്തിക്കുകയാണെങ്കിൽ ലൈ​സ​ൻ​സ് റദ്ദാക്കാനും നടപടി സ്വീകരിക്കുമെന്ന് അധികൃതർ അറിയിച്ചു.

നിയമലംഘനങ്ങളുടെ ചി​ത്ര​ങ്ങ​ളും, സമയമുൾപ്പെടെയുള്ള കൃത്യമായി തെളിവുകൾ ഈ എ ഐ കാമറകളിലൂടെ ലഭ്യമാകും എന്നുള്ളത് കൊണ്ട് തന്നെ നിയമ ലം​ഘകർക്ക് പിഴയിൽ നിന്നോ മറ്റു നിയമ നടപടികളിൽ നിന്നോ രക്ഷപെടാനാകില്ല. നിലവിൽ ഇവയുടെ പ്രവർത്തനം പരീക്ഷണ അടിസ്ഥാനത്തിൽ ആയതിനാൽ തന്നെ പൊലിസും സമാന്തരമായി പരിശോധനകൾ നടത്തുന്നുണ്ട്.