ഷാർജ: വിലപിടിപ്പുള്ള സാധനങ്ങൾ വാഹനങ്ങളിൽ വച്ച് പോകുന്നത് മോഷ്ടിക്കപ്പെടാൻ സാധ്യതയുണ്ടെന്ന മുന്നറിയിപ്പുമായി പൊലീസ്. വാഹനങ്ങൾക്കുള്ളിൽ നമ്മൾ സുരക്ഷിതമെന്ന് കരുതി വെക്കുന്ന പല സാധനങ്ങളും അപഹരിക്കാൻ മോഷ്ടാക്കൾ ചുറ്റുമുണ്ടാകും. നമ്മുടെ ഒരു നിമിഷത്തെ ഈ അശ്രദ്ധക്ക് വലിയ വില നൽകേണ്ടി വന്നേക്കും. ഈ പ്രശ്നം എത്രത്തോളം ഗൗരവമുള്ളതാണെന്ന് കാണിക്കാനായി ഷാർജ പൊലീസ് ( Sharjah police )  യഥാർഥ പരീക്ഷണം നടത്തി. ആ വീഡിയോ സാമൂഹിക മാധ്യമങ്ങളിൽ വലിയ ചർച്ചയായി മാറി.

ട്രാഫിക് നിയമം തെറ്റിച്ച കാർ അപകടത്തിൽ തകർന്നു; കർശന നടപടിയെന്ന് അബുദാബി പൊലീസ് (വിഡിയോ കാണാം)

ഒരു പൊലീസുകാരൻ കള്ളന്റെ വേഷം കെട്ടി ഏതാനും നിമിഷങ്ങൾക്കുള്ളിൽ  വാഹനങ്ങൾക്ക് യാതൊരു തരത്തിലുമുള്ള കേടുപാടുകൾ വരുത്താതെ സാധനങ്ങൾ മോഷ്ടിക്കുന്ന ദൃശ്യമാണ് പൊലീസ് പുറത്തുവിട്ടത്.

ഗാസയിലെ സ്ഫോടനത്തിൽ കണ്ണ് തകർന്ന ഏ​ഴു​വ​യ​സ്സുകാ​ര​ന് കൈത്താങ്ങായി സൗദി രാജാവ്

വാഹനങ്ങളിൽ നിന്ന് പുറത്തിറങ്ങി ആളുകൾ പോകുമ്പോൾ കള്ളന്റെ വേഷം കെട്ടിയ പൊലീസ് മറഞ്ഞു നിന്ന് കാര്യങ്ങൾ നീരീക്ഷിക്കും. തുടർന്ന് വാഹനങ്ങളിൽ പരിശോധന നടത്തിയ ശേഷം അതിലുള്ള വിലപിടിച്ച വസ്തുക്കൾ കള്ളന്റെ വേഷം കെട്ടിയ പൊലീസുകാരൻ മോഷ്ടിക്കുന്നതും വിഡിയോയിൽ കാണാം.

നമ്മൾ അശ്രദ്ധമായി കാർ പൂട്ടാതിരിക്കുകയും വിലപിടിപ്പുള്ള സാധനങ്ങൾ എളുപ്പത്തിൽ കാണുന്ന രീതിയിൽ വയ്ക്കുകയോ ചെയ്യുമ്പോൾ കള്ളന്മാർ ആ അവസരം മുതലെടുക്കുന്നു എന്നും വീഡിയോയിലൂടെ കാണിച്ചു തരികയാണ് ഷാർജ പോലീസ്.

വ്യാജ തൊഴിൽ വാഗ്ദാനം ; ഇക്കാര്യങ്ങൾ അറിഞ്ഞിരുന്നാൽ തട്ടിപ്പിൽ നിന്ന് രക്ഷപെടാം