നഗോയ: ഏഷ്യന്‍ ഗെയിംസ് വനിതാ ക്രിക്കറ്റില്‍ സ്വര്‍ണം നിലനിര്‍ത്താന്‍ ഇറങ്ങിയ ഇന്ത്യക്ക് പറക്കും തുടക്കം നല്‍കി വീണ്ടും സ്മൃതി മന്ധാന- ഷെഫാലി വര്‍മ ഓപ്പണിങ് സഖ്യം. ശ്രീലങ്കന്‍ വനിതകള്‍ക്കെതിരായ ഫൈനലില്‍ ടോസ് നേടി ഇന്ത്യ ആദ്യം ബാറ്റ് ചെയ്യാന്‍ ഇറങ്ങുകയായിരുന്നു. സ്മൃതി- ഷെഫാലി സഖ്യം ഓപ്പണിങില്‍ 10 ഓവറില്‍ 99 റണ്‍സെടുത്താണ് പിരിഞ്ഞത്.

ബംഗ്ലാദേശിനെതിരെ കത്തും ഫോമില്‍ ബാറ്റ് വീശിയ ഇരുവരും സമാന മികവ് ഫൈനലിലും ആവര്‍ത്തിച്ചു. സ്മൃതി മന്ധാന അര്‍ധ സെഞ്ച്വറി നേടി. എന്നാല്‍ ഷെഫാലിക്ക് അര്‍ധ ശതകം സ്വന്തമാക്കാന്‍ ആയില്ല. താരം 48 റണ്‍സുമായി മടങ്ങി. സ്‌കോര്‍ 99ല്‍ എത്തിയപ്പോഴാണ് ഇന്ത്യക്ക് ആദ്യ വിക്കറ്റ് നഷ്ടമായത്.

സ്മൃതി 30 പന്തില്‍ 50 റണ്‍സടിച്ചു. 5 സിക്‌സും 3 ഫോറും സഹിതമാണ് സ്മൃതിയുടെ ബാറ്റിങ്. ഷെഫാലി 3 വീതം സിക്‌സും ഫോറും തൂക്കി. താരം 29 പന്തില്‍ 48 റണ്‍സില്‍ ഔട്ട്. നേരത്തെ ബംഗ്ലാദേശിനെതിരായ സെമിയില്‍ ഷെഫാലി തന്റെ കന്നി വൈറ്റ് ബോള്‍ സെഞ്ച്വറി സ്വന്തമാക്കിയിരുന്നു.