കേരളത്തിനായി ബാറ്റിങിൽ തിളങ്ങിയ ശ്രേയ സിജു, BCCI U23 Women’s T20 Trophy x
Sports

ഒറ്റ ഓവറിൽ തെറിച്ചത് 3 വിക്കറ്റുകൾ; കേരളം മഹാരാഷ്ട്രയോട് തോറ്റു

അണ്ടർ 23 വനിതാ ടി20 ദേശീയ ചാംപ്യൻഷിപ്പ്

Author : സമകാലിക മലയാളം ഡെസ്ക്
Edited By : രഞ്ജിത്ത് കാർത്തിക

ഭിലായ്: അണ്ടർ 23 വനിതാ ടി20 ദേശീയ ചാംപ്യൻഷിപ്പിൽ കേരളം മഹാരാഷ്ട്രയോട് തോൽവി വഴങ്ങി. 8 വിക്കറ്റിനാണ് മഹാരാഷ്ട്രയുടെ വിജയം. ആദ്യം ബാറ്റ് ചെയ്ത കേരളം 20 ഓവറിൽ 9 വിക്കറ്റ് നഷ്ടത്തിൽ 128 റൺസെടുത്തു. മറുപടി ബാറ്റിങ്ങിന് ഇറങ്ങിയ മഹാരാഷ്ട്ര 17.2 ഓവറിൽ രണ്ട് വിക്കറ്റ് നഷ്ടത്തിൽ ലക്ഷ്യത്തിലെത്തി.

ടോസ് നേടി ബാറ്റിങ് തിരഞ്ഞെടുത്ത കേരളത്തിന് രണ്ടാം ഓവറിൽ തന്നെ ദിയ ഗിരീഷിന്റെ (4) വിക്കറ്റ് നഷ്ടമായെങ്കിലും അമീറ ബീഗവും ശ്രേയ സിജുവും ചേർന്ന് മികച്ച തുടക്കമാണ് നൽകിയത്. ആറ് ഓവർ അവസാനിക്കുമ്പോൾ ഒരു വിക്കറ്റിന് 54 റൺസെന്ന ശക്തമായ നിലയിലായിരുന്നു കേരളം.

എന്നാൽ ആചൽ അഗർവാൾ എറിഞ്ഞ ഏഴാം ഓവറിൽ മൂന്ന് വിക്കറ്റുകൾ വീണത് കേരളത്തിന് തിരിച്ചടിയായി. ഓവറിലെ ആദ്യ പന്തിൽ അമീറ ബീഗം (29) പുറത്തായപ്പോൾ അനന്യ പ്രദീപും നജ്‌ല നൗഷാദും അതേ ഓവറിൽ തന്നെ അക്കൗണ്ട് തുറക്കാതെ മടങ്ങി.

അഞ്ചാം വിക്കറ്റിൽ ശ്രേയ സിജുവും ക്യാപ്റ്റൻ വിജെ ജോഷിതയും ചേർന്ന് 52 റൺസ് കൂട്ടിച്ചേർത്തെങ്കിലും തുടർന്നെത്തിയവർ നിരാശപ്പെടുത്തിയതോടെ കേരളത്തിന്റെ സ്കോർ 128ൽ അവസാനിച്ചു. ശ്രേയ 41ഉം ജോഷിത 34ഉം റൺസെടുത്തു. മഹാരാഷ്ട്രയ്ക്ക് വേണ്ടി ആചൽ അഗർവാളും രോഷ്ണി പർദ്ദിയും മൂന്ന് വിക്കറ്റ് വീതവും ശ്വേത സാവന്ത് രണ്ട് വിക്കറ്റും വീഴ്ത്തി.

മറുപടി ബാറ്റിങ്ങിന് ഇറങ്ങിയ മഹാരാഷ്ട്രയ്ക്ക് ഓപ്പണർമാരായ ദ്യനന്ദ നികവും ഈശ്വരി സവാക്കരും നൽകിയ തകർപ്പൻ തുടക്കം മുതൽക്കൂട്ടായി. ദ്യനന്ദ 32 പന്തുകളിൽ 53ഉം ഈശ്വരി 53 പന്തിൽ 59 റൺസും നേടി. 16 പന്തുകൾ ബാക്കി നിൽക്കെ മഹാരാഷ്ട്ര അനായാസം ലക്ഷ്യത്തിലെത്തി. കേരളത്തിന് വേണ്ടി നജ്‌ല നൗഷാദും നിയ നസ്നീനും ഓരോ വിക്കറ്റ് വീതം വീഴ്ത്തി.

Maharashtra register an 8-wicket win against Kerala in the BCCI U-23 Women’s T20 Trophy. Sreya Siju top-scored with 41 off 46 balls, followed by Joshitha V J (34 off 38) and Ameera Beegam (29 off 18)

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ആ നിർദേശം വച്ചത് സർക്കാർ; കാറ്റാടി വൈദ്യുതി വിവാദത്തിൽ പുതിയ വഴിത്തിരിവ്

സൂര്യാഘാതത്തിന് സാധ്യത, നേത്ര, ഉദര രോഗങ്ങള്‍ പിടിപെടാം; അറിയാം വൃശ്ചിക മാസ ഫലം

ബാങ്ക് വായ്പാ വിവാദം ഒത്തുതീർന്നു; വ്യാപാരിയുടെ 41 ലക്ഷം രൂപയുടെ കുടിശ്ശിക എഴുതിത്തള്ളും

ഹൗ... പേസോട് പേസ്!!! ശ്രീലങ്ക '98'ന് ഓള്‍ഔട്ട്!

'സ്പൈഡർമാന്റെ' റെക്കോർഡ് തകർക്കുമോ 'ഡൂംസ്‌ഡേ'? അഡ്വാൻസ് ബുക്കിങ്ങിൽ കുതിപ്പ്; ആദ്യ മണിക്കൂറിൽ വിറ്റത് 50,000 ടിക്കറ്റുകൾ