ദുബായ്: ഐസിസി ടെസ്റ്റ് ബൗളര്‍മാരുടെ റാങ്കിങ്ങില്‍ ഒന്നാം സ്ഥാനം നിലനിര്‍ത്തി ഇന്ത്യന്‍ പേസര്‍ ജസ്പ്രീത് ബുംറ. ഓള്‍റൗണ്ടര്‍മാരുടെ വിഭാഗത്തില്‍ രവീന്ദ്ര ജഡേജയാണ് ഒന്നാമത്. ബാറ്റര്‍മാരുടെ പട്ടികയില്‍ ഇംഗ്ലണ്ട് താരം ജോ റൂട്ടാണ് ഒന്നാമത്. ബോര്‍ഡര്‍ - ഗാവസ്‌കര്‍ പരമ്പരയിലെ തകര്‍പ്പന്‍ പ്രകടനങ്ങളോടെ റെക്കോഡ് റേറ്റിങ് പോയന്റുമായി ചരിത്രം സൃഷ്ടിച്ച ബുംറ നിലവില്‍ കരിയറിലെ മികച്ച റേറ്റിങ് പോയിന്റിലാണ്.
908 പോയിന്റോടെയാണ് ബുംറ ഒന്നാം സ്ഥാനത്ത് തുടരുന്നത്. ഓസ്‌ട്രേലിയയുടെ പാറ്റ് കമ്മിന്‍സ് (841), ദക്ഷിണാഫ്രിക്കയുടെ കാഗിസോ റബാദയ്ക്ക് (837) പോയിന്റുമായി രണ്ടും മൂന്നൂം സ്ഥാനങ്ങളില്‍ തുടരുന്നു. വെസ്റ്റ് ഇന്‍ഡീസിനെതിരെ മികച്ച പ്രകടനം നേടിയ പാകിസ്ഥാന്‍ താരം നൊമാന്‍ ആലി ആദ്യപത്തില്‍ ഇടം നേടി. രവീന്ദ്ര ജഡേജ പട്ടികയില്‍ പത്താം സ്ഥാനത്താണ്.
895 പോയിന്റുമായാണ് റൂട്ട് ഒന്നാം സ്ഥാനത്ത് തുടരുന്നത്. ബാറ്റര്‍മാരുടെ പട്ടികയില്‍ ഹാരി ബ്രൂക്കും കെയ്ന്‍ വില്യംസണുമാണ് രണ്ടും മൂന്നും സ്ഥാനങ്ങളില്‍ ഇന്ത്യന്‍ താരം യശസ്വി ജയ്‌സ് വാള്‍ നാലാമതും ഋഷഭ് പന്ത് പത്താമനായും പട്ടികയില്‍ ഇടം പിടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates