മെല്‍ബണ്‍: അമേരിക്കയുടെ മൂന്നാം സീഡ് താരം കോക്കോ ഗഫിനെ വീഴ്ത്തി യുക്രൈന്‍ താരം എലിന സ്വിറ്റോലിന ഓസ്‌ട്രേലിയന്‍ ഓപ്പണ്‍ വനിതാ സിംഗിള്‍സ് സെമിയില്‍. 31കാരിയായ താരം കരിയറിലെ 14ാം ഗ്രാന്‍ഡ് സ്ലാം ക്വാര്‍ട്ടര്‍ പോരാട്ടത്തിനാണ് ഇറങ്ങിയത്.

അനായാസ മുന്നേറ്റമാണ് താരം കോക്കോ ഗഫിനെതിരെ പുറത്തെടുത്തത്. രണ്ട് സെറ്റ് മാത്രം നീണ്ട പോരാട്ടം 59 മിനിറ്റില്‍ അവസാനിച്ചു. സ്‌കോര്‍: 6-1, 6-2.

കരിയറില്‍ ഇത് മൂന്നാം തവണയാണ് താരം ഒരു ഗ്രാന്‍ഡ് സ്ലാം പോരാട്ടത്തിന്റെ സെമി കളിക്കാന്‍ യോഗ്യത നേടുന്നത്. ഓസ്‌ട്രേലിയന്‍ ഓപ്പണില്‍ ഇതാദ്യമായാണ് താരം സെമി കളിക്കാനൊരുങ്ങുന്നത്. 2018, 19, 25 വര്‍ഷങ്ങളില്‍ സ്വിറ്റോലിന ക്വാര്‍ട്ടറില്‍ പരാജയപ്പെട്ടു.