ബാറ്റുമി: വനിതാ ചെസ് ലോകകപ്പ് ഫൈനലില്‍ (ഫിഡെ വനിതാ ലോകകപ്പ് ഫൈനല്‍) ഇന്ത്യന്‍ താരങ്ങളുടെ നേര്‍ക്കുനേര്‍ പോരാട്ടത്തിന് തുടക്കം. ഇന്ത്യയുടെ കൊനേരു ഹംപിയും ദിവ്യ ദേശ്മുഖും തമ്മിലാണ് കലാശപ്പോരാട്ടം. ആദ്യ മത്സരം സമനിലയില്‍ പിരിഞ്ഞു.

ഇരുവരും തമ്മില്‍ കനത്ത മത്സരമാണ് നടന്നത്. ഹംപി കറുത്ത കരുക്കളും ദിവ്യ വെള്ള കരുക്കളുമായാണ് ആദ്യ മത്സരം പൂര്‍ത്തിയാക്കിയത്. മത്സരം 3 മണിക്കൂറോളം നീണ്ടു.

ഫൈനലിലെ രണ്ടാം പോരാട്ടം ഇന്ന് ഇന്ത്യന്‍ സമയം ഉച്ചയ്ക്ക് 1.15 മുതല്‍ ആരംഭിക്കും. ഇന്നത്തെ പോരാട്ടവും സമനിലയില്‍ പിരിഞ്ഞാല്‍ നാളെ ടൈ ബ്രേക്കറിലായിരിക്കും വനിതാ ലോക ചാംപ്യനെ തിരഞ്ഞെടുക്കുക. ആര് ജയിച്ചാലും ലോകകപ്പ് കിരീടം ഇന്ത്യയിലേക്കെത്തുമെന്ന് ഉറപ്പ്.