ലോകകപ്പിലെ അവസാന പ്രീ ക്വാര്‍ട്ടര്‍ പോരാട്ടം അല്‍പ്പസമയത്തിനകം ആരംഭിക്കും. കരുത്തരായ ഇംഗ്ലണ്ടും കൊളംബിയയുമാണ് നേര്‍ക്കുനേര്‍ വരുന്നത്. പരുക്കേറ്റ സൂപ്പര്‍ താരം ജെയിംസ് റോഡ്രഗസില്ലാതെയാണ് കൊളംബിയ ആദ്യ ഇലവനെ പ്രഖ്യാപിച്ചത്. കഴിഞ്ഞ മത്സരത്തിലും റോഡ്രിഗസ് പുറത്തായിരുന്നു. അതേസമയം പകരക്കാരുടെ പട്ടികയില്‍ ഉള്ളതിനാല്‍ രണ്ടാം പകുതിയില്‍ റോഡ്രിഗഗസ് ഇറങ്ങിയേക്കാം. 

ബെല്‍ജിയത്തിനോട് പരാജയപ്പെട്ട മത്സരത്തില്‍ പ്രമുഖര്‍ക്കെല്ലാം വിശ്രമം നല്‍കിയ ഗെരത് സൗത്ത്‌ഗേറ്റ് ഇന്ന് സുപ്രധാന താരങ്ങളെയെല്ലാം ആദ്യ ഇലവനില്‍ ഉള്‍ക്കൊള്ളിച്ചിട്ടുണ്ട്. ഹാരി കെയ്ന്‍, കെയ്ല്‍ വാല്‍ക്കര്‍, സ്‌റ്റോണ്‍സ്, ലിംഗാര്‍ഡ്, യങ് തുടങ്ങിയവരെല്ലാം ആദ്യ പതിനൊന്നില്‍ സ്ഥാനം പിടിച്ചു.