ദുബായ്: ഇത്തവണ യുഎഇയില്‍ അരങ്ങേറിയ വനിതാ ടി20 ലോകകപ്പ് കാണികളുടെ പങ്കാളിത്തത്തില്‍ സര്‍വകാല റെക്കോര്‍ഡ് കുറിച്ചതായി ഐസിസി. ടൂര്‍ണമെന്റ് സ്‌റ്റേഡിയങ്ങളില്‍ എത്തി നേരില്‍ കണ്ടവരുടെ മൊത്തം എണ്ണം 91,030 ആണ്. കഴിഞ്ഞ അധ്യായത്തേക്കാള്‍ 30 ശതമാനം വര്‍ധനവ്. ഗ്രൂപ്പ്, സെമി പോരാട്ടങ്ങളിലായി മൊത്തം വന്ന കാണികളുടെ എണ്ണം 69,573.

ചിരവൈരികളായ ഇന്ത്യയും പാകിസ്ഥാനും തമ്മിലുള്ള ഗ്രൂപ്പ് ഘട്ടത്തിലെ പോരാട്ടവും നേട്ടത്തിലെത്തി. ഈ മത്സരം കണാനായി സ്‌റ്റേഡിയത്തിലേക്ക് ഇരച്ചെത്തിയത് 15,935 പേര്‍. ഒരു വനിതാ ടി20 ലോകകപ്പിന്റെ ഗ്രൂപ്പ് പോരാട്ടത്തില്‍ ഏറ്റവും കൂടുതല്‍ കാണികള്‍ സ്‌റ്റേഡിയത്തില്‍ എത്തി കളി കണ്ടതിന്റെ റെക്കോര്‍ഡാണ് ഈ മത്സരം സ്വന്തമാക്കിയത്.

കിവികള്‍ക്ക് 5 വിക്കറ്റുകള്‍ നഷ്ടം; മികച്ച സ്‌കോറിനായി പൊരുതുന്നു

ദക്ഷിണാഫ്രിക്കയെ വീഴ്ത്തി ന്യൂസിലന്‍ഡ് നടാടെ കിരീടം സ്വന്തമാക്കിയ ഫൈനല്‍ പോരാട്ടവും നേട്ടം തൊട്ടു. വനിതാ ലോകകപ്പ് ഫൈനലിലെ ഏറ്റവും കൂടുതല്‍ കാണികള്‍ ഈ പോരിനാണ്. 21,457 പേരാണ് കളി സ്റ്റേഡിയത്തിലെത്തി നേരില്‍ കണ്ടത്. കഴിഞ്ഞ തവണത്തെ ഫൈനലിനെ അപേക്ഷിച്ച് വര്‍ധന 68 ശതമാനം.