ഇന്‍ഡോര്‍: മൂന്നാം ടി20 പോരാട്ടത്തില്‍ വെസ്റ്റ് ഇന്‍ഡീസിനു മുന്നില്‍ 224 റണ്‍സ് വിജയ ലക്ഷ്യം വച്ച് ഇന്ത്യ. ആദ്യം ബാറ്റ് ചെയ്ത ഇന്ത്യ നിശ്ചിത ഓവറില്‍ 223 റണ്‍സില്‍ എല്ലാവരും പുറത്തായി. അതിവേഗ അര്‍ധ സെഞ്ച്വറിയുമായി കളം വാണ അഭിഷേക് ശര്‍മയുടെ മികവിലാണ് ഇന്ത്യ മികച്ച സ്‌കോര്‍ ഉയര്‍ത്തിയത്. ഇഷാന്‍ കിഷന്‍, തിലക് വര്‍മ, നിതീഷ് കുമാര്‍ റെഡ്ഡി, അക്ഷര്‍ പട്ടേല്‍, അര്‍ഷ്ദീപ് സിങ്, അവസാന ഓവറില്‍ 3 ഫോറുകള്‍ സഹിതം 6 പന്തില്‍ 13 റണ്‍സെടുത്ത് പ്രിന്‍സ് യാദവ് എന്നിവരുടെ അവസരോചിത ഇന്നിങ്‌സുകളും ഇന്ത്യക്ക് ബലമായി.
ടോസ് നേടി വിന്‍ഡീസ് ബൗളിങ് എടുക്കുകയായിരുന്നു. ഇന്ത്യക്കായി ഓപ്പണിങ് ഇറങ്ങിയ മലയാളി താരം സഞ്ജു സാംസണ് തിളങ്ങാനായില്ല. താരം 3 റണ്‍സുമായി പുറത്തായി. ക്യാപ്റ്റന്‍ ശ്രേയസ് അയ്യര്‍ക്കും തിളങ്ങാന്‍ സാധിച്ചില്ല. താരം 2 പന്തില്‍ 1 റണ്‍സുമായി പുറത്തായി.
18 പന്തില്‍ അതിവേഗ അര്‍ധ സെഞ്ച്വറിയുമായി ഇന്ത്യന്‍ ഓപ്പണര്‍ അഭിഷേക് ശര്‍മ കളം വാണു. 4 വീതം സിക്‌സും ഫോറും സഹിതമാണ് അഭിഷേക് 50 കടന്നത്. 30 പന്തില്‍ 5 സിക്‌സും 6 ഫോറും സഹിതം അഭിഷേക് 69 റണ്‍സുമായി മടങ്ങി.
തിലക് വര്‍മ 16 പന്തില്‍ 4 ഫോറുകള്‍ സഹിതം 28 റണ്‍സെടുത്തു. നിതീഷ് 14 പന്തില്‍ 3 ഫോറുകള്‍ സഹിതം 21 റണ്‍സും അക്ഷര്‍ പട്ടേല്‍ 14 പന്തില്‍ 20 റണ്‍സും എടുത്തു. അര്‍ഷ്ദീപ് 8 പന്തില്‍ 11 റണ്‍സും കണ്ടെത്തി.
വിന്‍ഡീസിനായി റോസ്റ്റന്‍ ചേസ്, ഷമര്‍ ജോസഫ്, ഷമര്‍ സ്പ്രിങര്‍ എന്നിവര്‍ 2 വീതം വിക്കറ്റുകള്‍ നേടി. കീമോ പോള്‍, ഗുഡാകേഷ് മോട്ടി എന്നിവര്‍ ഓരോ വിക്കറ്റും വീഴ്ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates