കൊല്ക്കത്ത: പഞ്ചാബ് കിങ്സിനെതിരായ ഐപിഎല് പോരാട്ടത്തില് റണ് മല പടുത്തുയര്ത്തി കൊല്ക്കത്ത നൈറ്റ് റൈഡേഴ്സ്. ടോസ് നേടി പഞ്ചാബ് ബൗളിങ് തിരഞ്ഞെടുത്തു. നിശ്ചിത ഓവറില് കൊല്ക്കത്ത ആറ് വിക്കറ്റ് നഷ്ടത്തില് 261 റണ്സാണ് അടിച്ചത്. പഞ്ചാബിന് ജയിക്കാന് 262 റണ്സ്.
സുനില് നരെയ്ന്- ഫില് സാള്ട്ട് സഖ്യം കൊല്ക്കത്തയ്ക്ക് തകര്പ്പന് തുടക്കമാണ് നല്കിയത്. ഇരുവരും ഒന്നാം വിക്കറ്റില് 138 റണ്സാണ് കണ്ടെത്തിയത്. സാള്ട്ട് 37 പന്തില് ആറ് വീതം സിക്സും ഫോറും സഹിതം 75 റണ്സെടുത്തു. നരെയ്ന് നാല് സിക്സും 9 ഫോറും സഹിതം 32 പന്തില് 71 റണ്സ് അടിച്ചെടുത്തു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
പിന്നീടെത്തിയവരും ടോപ് ഗിയറില് ബാറ്റ് വീശിയതോടെയാണ് ടീം സ്കോര് ഇത്രയും നിലയില് എത്തിയത്. വെങ്കടേഷ് അയ്യര് 23 പന്തില് മൂന്ന് ഫോറും രണ്ട് സിക്സും സഹിതം 39 റണ്സ് കണ്ടെത്തി. ക്യാപ്റ്റന് ശ്രേയസ് അയ്യര് 10 പന്തില് 28 റണ്സ് വാരി. മൂന്ന് സിക്സും ഒരു ഫോറും താരം അടിച്ചു.
പഞ്ചാബിനായി അര്ഷ്ദീപ് സിങ് രണ്ട് വിക്കറ്റുകള് നേടി. സാം കറന്, ഹര്ഷല് പട്ടേല്, രാഹുല് ചഹര് എന്നിവര് ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates