ക്വലാലംപുര്: പരിക്ക് മാറി കളത്തിലേക്ക് തിരിച്ചെത്തി മലേഷ്യ ഓപ്പണ് ബാഡ്മിന്റണില് മികച്ച മുന്നേറ്റം നടത്തിയ ഒളിംപ്യന് പിവി സിന്ധുവിന്റെ കുതിപ്പിന് സെമി ഫൈനലില് വിരാമം. ലോക രണ്ടാം നമ്പര് താരം ചൈനയുടെ വാങ് സി യിയാണ് സിന്ധുവിനെ അവസാന നാലില് വീഴ്ത്തിയത്.
സെമിയില് സിന്ധു പൊരുതി വീഴുകയായിരുന്നു. സ്കോര് 16-21, 15-21.
നേരത്തെ ക്വാര്ട്ടറില് ജപ്പാന്റെ അകനെ യാമഗുചിയുമായുള്ള പോരാട്ടത്തില് ആദ്യ സെറ്റ് നേടിയ ശേഷമാണ് സിന്ധു സെമി ഉറപ്പിച്ചത്. ആദ്യ സെറ്റില് മികച്ച ആധിപത്യം പുലര്ത്തി സിന്ധു 21-11 എന്ന നിലയില് സെറ്റ് സ്വന്തമാക്കി. പിന്നാലെ ജപ്പാന് താരം പരിക്കേറ്റ് പിന്മാറി. ഇതോടെയാണ് സിന്ധു സെമിയിലേക്ക് മുന്നേറിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates