ഓണാശംസകൾ നേർന്ന് ഇംഗ്ലീഷ് പ്രീമിയർ ലീഗ് വമ്പന്മാരായ മാഞ്ചസ്റ്റർ സിറ്റി. സൂപ്പർതാരം എർലിങ് ഹാലൻഡ് പപ്പടം കടിച്ചുകൊണ്ടു നിൽക്കുന്ന ചിത്രത്തോടൊപ്പം ‘ഹാപ്പി ഓണം’ എന്ന് മലയാളത്തിൽ എഴുതിയാണ് ക്ലബ് പോസ്റ്റ് സമൂഹമാധ്യമങ്ങളിൽ പങ്കുവെച്ചത്. നീല ജേഴ്സി ധരിച്ചു നിൽക്കുന്ന ഹാലൻഡിന്‍റെ പശ്ചാത്തലത്തിൽ ഹൗസ് ബോട്ടുകളും കായലുമൊക്കെയുണ്ട്.

മലയാളത്തിൽ ഓണാശംസകൾ നേർന്ന് ക്ലബ് പങ്കുവെച്ച ചിത്രം ചുരുങ്ങിയ നേരം കൊണ്ട് വൈറലായി. പോസ്റ്റിന് താഴെ മലയാളികളുടെ അഭിനന്ദന പ്രവാഹമാണ്. പ്രീമിയർ ലീഗ് ചാമ്പ്യന്മാരായ സിറ്റിക്ക് കേരളത്തിൽ ഒരുപാട് ആരാധകരാണുള്ളത്. ഇതിന് മുമ്പും ക്ലബ് സമൂഹമാധ്യമങ്ങൾ ഓണാശംസകൾ നേർന്നിരുന്നു.കഴിഞ്ഞദിവസം നടന്ന എവേ മത്സരത്തിൽ ഷെഫീൽഡ് യുനൈറ്റഡിനെ ഒന്നിനെതിരെ രണ്ടു ഗോളിനാണ് സിറ്റി ജയം സ്വന്തമാക്കിയത്.

ഈ വാർത്ത കൂടി വായിക്കൂ 

ഋഷഭ് പന്ത് ഇന്ത്യന്‍ ടീം ക്യാമ്പില്‍; അപ്രതീക്ഷിത സന്ദര്‍ശനം, കെട്ടിപ്പിടിച്ച് കുല്‍ദീപ് യാദവ് (വീഡിയോ)

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ