ലണ്ടന്: കളി തീരാന് സെക്കന്ഡുകള് മാത്രമുള്ളപ്പോള് കിട്ടിയ പെനാല്റ്റി ഗോളാക്കി ലിവര്പൂള് ബേണ്ലിക്കെതിരായ എവേ പോരാട്ടം കഷ്ടിച്ചു കടന്നുകൂടി. ഇംഗ്ലീഷ് പ്രീമിയര് ലീഗില് തുടരെ നാലാം ജയവുമായി അവര് ഒന്നാം സ്ഥാനത്ത് കുതിപ്പ് തുടരുന്നു.
കടുത്ത പ്രതിരോധവുമായി നിന്ന ബേണ്ലിക്കെതിരെ ഗോളടിക്കാന് സാധിക്കാതെ ലിവര്പൂള് നിന്നു വിയര്ത്തു. കളിയില് 80 ശതമാനവും പന്ത് ലിവര്പൂള് കാലിലായിരുന്നു.
ഒടുവില് 90 മിനിറ്റ് പിന്നിട്ട് മത്സരം ഇഞ്ച്വറി ടൈമില് നില്ക്കെയാണ് അപ്രതീക്ഷിതമായ ലിവര്പൂളിന് പെനാല്റ്റി വീണുകിട്ടിയത്. കിക്കെടുത്ത മുഹമ്മദ് സലയ്ക്ക് പിഴച്ചില്ല. 0-1നു ലിവര്പൂള് ജയം പിടിച്ചു.
മറ്റൊരു മത്സരത്തില് ചെല്സിയെ ബ്രന്ഡ്ഫോര്ഡ് സ്വന്തം തട്ടകത്തില് 2-2നു സമനിലയില് തളച്ചു. കോള് പാമര്, മൊയ്സെസ് കയ്സെഡോ എന്നിവരാണ് ചെല്സിക്കായി ഗോള് നേടിയത്. കെവിന് ഷാഡെ, ഫാബിയോ കാര്വലോ എന്നിവരാണ് ബ്രെന്ഡ്ഫോര്ഡിനായി വല ചലിപ്പിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates