ബിർമിങ്ഹാം: കോമൺവെൽത്ത് ഗെയിംസ് വനിതാ ക്രിക്കറ്റിലെ രണ്ടാം പോരാട്ടത്തിൽ പാകിസ്ഥാനെ 99 റൺസിൽ പുറത്താക്കി ഇന്ത്യ. നിർണായക പോര് ജയിക്കാൻ ഇന്ത്യക്ക് വേണ്ടത് 100 റൺസ്. ടോസ് നേടി പാകിസ്ഥാൻ ബാറ്റിങ് തിരഞ്ഞെടുക്കുകയായിരുന്നു. 

പാക് നിരയിൽ 30 പന്തുകൾ നേരിട്ട് 32 റൺസെടുത്ത മുനീബ അലിയാണ് ടോപ് സ്കോറർ. ഒരു റണ്ണെടുക്കും മുൻപേ പാകിസ്ഥാന്റെ ആദ്യ വിക്കറ്റു വീഴ്ത്തിയ ഇന്ത്യ കൃത്യമായ ഇടവേളകളില്‍ പാക് ബാറ്റർമാരെ പുറത്താക്കിക്കൊണ്ടിരുന്നു. 

ആലിയ റിയാസ് (22 പന്തിൽ 18), ബിസ്മ മറൂഫ് (19 പന്തിൽ 17), ആയിഷ നസീം (9 പന്തിൽ പത്ത്), ഒമൈമ സുഹൈൽ (13 പന്തിൽ 10) എന്നിവരാണ് മറ്റു പ്രധാന സ്കോറർമാർ.

ഇന്ത്യയ്ക്കായി സ്നേഹ് റാണയും രാധ യാദവും രണ്ട് വിക്കറ്റു വീതം വീഴ്ത്തി. രേണുക സിങ്, മേഘ്ന സിങ്, ഷഫാലി വർമ എന്നിവർ ഓരോ വിക്കറ്റും നേടി. മൂന്ന് പാക് താരങ്ങൾ റണ്ണൗട്ടായി. ആദ്യ മത്സരത്തിൽ ഇന്ത്യ ഓസ്ട്രേലിയയോടു പരാജയപ്പെട്ടിരുന്നു.

ഈ വാർത്ത കൂടി വായിക്കൂ

'പാകിസ്ഥാന് 90കളില്‍ സംഭവിച്ച തെറ്റാണ് ഇന്ത്യ ഇപ്പോള്‍ ആവര്‍ത്തിക്കുന്നത്'; പാക് മുന്‍ ക്യാപ്റ്റന്റെ മുന്നറിയിപ്പ്

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ