ഗുവാഹത്തി: രാജസ്ഥാൻ റോയൽസ് ഐപിഎല്ലിൽ ആദ്യ ജയം സ്വന്തമാക്കിയതിനു പിന്നാലെ താത്കാലിക ക്യാപ്റ്റൻ റിയാൻ പര​ഗിനെതിരെ രൂക്ഷ വിമർശനം. മത്സരത്തിനു ശേഷം ​ഗ്രൗണ്ട് സ്റ്റാഫുകൾക്കൊപ്പം സെൽഫിയെടുത്ത റിയാൻ പരാ​ഗ് അതിനു ശേഷം ഫോൺ എറിഞ്ഞു കൊടുത്തതാണ് ആരാധകരെ ചൊടിപ്പിച്ചത്. ഒട്ടും മാന്യതയില്ലാത്ത പെരുമാറ്റമാണ് താരത്തിന്റെ ഭാ​ഗത്തു നിന്നുണ്ടായത്. ഇതോടെയാണ് വലിയ വിമർശനം ഉയർന്നത്.

പരിക്ക് ഭേദമാകാത്തതിനെ തുടർന്നു രാജസ്ഥാൻ മലയാളി നായകൻ സഞ്ജുവിനെ ഇംപാക്ട് പ്ലെയർ റോളിലാണ് ആദ്യ മൂന്ന് മത്സരങ്ങളിലും കളിപ്പിച്ചത്. സഞ്ജുവിനു പകരമാണ് റിയാൻ പരാ​ഗിനെ താത്കാലിക നായകനാക്കിയത്. ആദ്യ രണ്ട് മത്സരങ്ങളിലും ടീം തോറ്റതോടെ വലിയ വിമർശനം യുവ താരത്തിന്റെ ക്യാപ്റ്റൻസിയെ കുറിച്ചു ഉയർന്നിരുന്നു. മൂന്നാം പോരാട്ടത്തിൽ ചെന്നൈ സൂപ്പർ കിങ്സിനെ വീഴ്ത്തി രാജസ്ഥാൻ ആദ്യ ജയം കുറിച്ചിരുന്നു. ഇതിനു പിന്നാലെയാണ് റിയാൻ പരാ​ഗ് മോശം പെരുമാറ്റത്തിനു വിമർശിക്കപ്പെട്ടത്.

റിയാൻ ​ഗുവാഹത്തിക്കാരനാണ്. ​ഗുവാഹത്തിയിലെ ഈ സീസണിലെ അവസാന മത്സരമാണ് ഇന്നലെ അരങ്ങേറിയത്. ഇതോടെ ​ഗ്രൗണ്ട് സ്റ്റാഫുകൾ ഉൾപ്പെടെ നിരവധി പേരാണ് ലോക്കൽ ബോയ് കൂടിയായ റിയാനൊപ്പം സെ‍ൽഫിക്കും ഓട്ടോ ​ഗ്രാഫിനുമായി എത്തിയത്. അതിനിടെയാണ് വിവാ​ദ സംഭവം.

Dhoni: എന്തിന് ഏഴാമനായി ഇറങ്ങുന്നു? ധോനിക്കെതിരെ വിമര്‍ശനം, പ്രതികരിച്ച് സ്റ്റീഫന്‍ ഫ്ലെമിങ്

Dhoni: എന്തിന് ഏഴാമനായി ഇറങ്ങുന്നു? ധോനിക്കെതിരെ വിമര്‍ശനം, പ്രതികരിച്ച് സ്റ്റീഫന്‍ ഫ്ലെമിങ്ഗ്രൗണ്ട് സ്റ്റാഫിലെ ഏഴ് പേർക്കൊപ്പമാണ് റിയാൻ പരാ​ഗ് സെൽഫിയെടുത്തത്. സെൽഫിക്കു പിന്നാലെ ഫോൺ അതിന്റെ ഉടമയുടെ കൈയിൽ കൊടുക്കുന്നതിനു പകരം റിയാൻ പരാ​ഗ് വളരെ അലക്ഷ്യമായി എറിഞ്ഞു കൊടുക്കുകയായിരുന്നു. താരത്തിന്റെ അപ്രതീക്ഷിത നീക്കത്തിനിടെ ഒരുവിധം കഷ്ടപ്പെട്ടാണ് സംഘത്തിലൊരാൾ ഫോൾ കഷ്ടിച്ചു കൈയിൽ ഒതുക്കിയത്.

താരമെന്ന നിലയിൽ മാത്രമല്ല ഒരു വ്യക്തി എന്ന നിലയിലും റിയാൻ പരാ​ഗ് ഒട്ടേറെ കാര്യങ്ങൾ പഠിക്കാനുണ്ടെന്നു വിഡിയോക്കു താഴെ നിരവധി ആരാധകരാണ് താരത്തെ ഉപദേശിക്കുന്നത്. ധോനിയുടെ ടീമിനെ തോൽപ്പിച്ചതോടെ താൻ എന്തോ വലിയ സംഭവമാണെന്നും ​ദൈവമാണെന്നൊക്കെ റിയാൻ പരാ​ഗിനു തോന്നിയിട്ടുണ്ടാകമെന്നും ചിലർ കുറിച്ചു.