ഹൈദരാബാദ്: സന്തോഷ് ട്രോഫി ഫുട്‌ബോള്‍ ഫൈനല്‍ റൗണ്ട് പോരാട്ടത്തില്‍ കേരളത്തിനു തുടരെ രണ്ടാം ജയം. രണ്ടാം പോരില്‍ കേരളം മേഘാലയെയ വീഴ്ത്തി. ആദ്യ പോരാട്ടത്തില്‍ കേരളം ഗോവയെ വീഴ്ത്തിയാണ് തുടങ്ങിയത്.

മറുപടിയില്ലാത്ത ഒറ്റ ഗോളിനാണ് കേരളം വിജയം പിടിച്ചത്. ഒന്നാം പകുതിയുടെ 37ാം മിനിറ്റിലാണ് മത്സരത്തിലെ ഏക ഗോള്‍ കേരളം വലയിലിട്ടത്. മുഹമ്മദ് അജ്‌സലാണ് വിജയ ശില്‍പ്പി.

രണ്ടാം പോരിലും സ്മൃതിയുടെ മികവ്; അര്‍ധ സെഞ്ച്വറി, വിന്‍ഡീസിനു മുന്നില്‍ 160 റണ്‍സ് ലക്ഷ്യം

ആദ്യ മത്സരത്തില്‍ ഒരു ഗോളും രണ്ട് അസിസ്റ്റുമായി കളം വാണ മുഹമ്മദ് അജ്‌സല്‍ മികവ് തുടര്‍ന്നത് കേരളത്തിനു തുണയായി. താരം ബോക്‌സിനു പുറത്തു നിന്നു ഇടം കാല്‍ കൊണ്ടു തൊടുത്ത പവര്‍ ഫുള്‍ ഷോട്ട് വലയില്‍ കയറുകയായിരുന്നു.

ഈ മാസം 19നാണ് കേരളത്തിന്റെ മൂന്നാം പോരാട്ടം. എതിരാളികള്‍ ഒഡിഷ.