മുംബൈ: ഇന്ത്യന് ഏകദിന വൈസ് ക്യാപ്റ്റന് ശ്രേയസ് അയ്യരുടെ തിരിച്ചു വരവ് വൈകിയേക്കുമെന്ന് റിപ്പോര്ട്ട്. ഒക്ടോബറില് ഓസ്ട്രേലിയന് പര്യടനത്തിനിടെ പരിക്കേറ്റ താരം പൂര്ണമായും ഫിറ്റ്നെസ് വീണ്ടെടുത്തിട്ടില്ലെന്നാണ് റിപ്പോര്ട്ട്.
ന്യൂസിലന്ഡിനെതിരെ ജനുവരിയില് നടക്കുന്ന ഏകദിന പരമ്പരക്കുള്ള ഇന്ത്യന് ടീമില് താരം കളിച്ചേക്കുമെന്ന അഭ്യൂഹങ്ങള് പരന്നെങ്കിലും താരം ഫിറ്റ്നെസ് പൂര്ണമായും വീണ്ടെടുത്തിട്ടില്ലെന്നാണ് റിപ്പോര്ട്ട്. പരിക്കേറ്റ ശ്രേയസ് അയ്യര് ശസ്ത്രക്രിയക്ക് വിധേയനായിരുന്നു.പിന്നാലെ വിശ്രമത്തിലായിരുന്ന താരത്തിന്റെ ശരീരഭാരം ആറു കിലോയോളം കുറഞ്ഞു. പരിക്കില്നിന്ന് മോചിതനായി ബംഗളൂരുവിലെ ദേശീയ ക്രിക്കറ്റ് അക്കാദമിയില് പരിശീലനത്തിന് ഇറങ്ങിയെങ്കിലും താരത്തിന് കായികക്ഷമത പൂര്ണമായി വീണ്ടെടുക്കാനായിട്ടില്ല.
ശ്രേയസിന് കളിക്കാനുള്ള ക്ലിയറന്സ് ലഭിക്കാന് ഒരാഴ്ച കൂടി കാത്തിരിക്കേണ്ടി വരും. നേരത്തെ, വിജയ് ഹസാരെ ട്രോഫിയില് മുംബൈക്കുവേണ്ടി കളിക്കുമെന്ന് അറിയിച്ചിരുന്നെങ്കിലും താരത്തിന് മെഡിക്കല് സംഘത്തിന്റെ അനുമതി കിട്ടിയില്ല. ഇന്ത്യന് ടീമിലേക്ക് തിരിച്ചെത്തണമെങ്കില് താരം ആഭ്യന്തര ക്രിക്കറ്റില് കളിച്ച് ഫോം തെളിയിക്കേണ്ടത് ആവശ്യമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates