നഗോയ: ഏഷ്യന് ഗെയിംസ് ഷോട്പുട്ടില് നിലവിലെ സ്വര്ണ ജേതാവായ ഇന്ത്യയുടെ തജീന്ദര്പാല് സിങ് തൂര് വെള്ളി മെഡല് കൊണ്ട് തൃപ്തിപ്പെട്ടു. താരത്തിന്റെ ഏഷ്യന് ഗെയിംസ് ഹാട്രിക്ക് സ്വര്ണമെന്ന സ്വപ്നം ഫൈനലില് തകര്ന്നു. 20.64 മീറ്റര് ദൂരം ഷോട്ട് പുട്ട് പായിച്ചാണ് താരം വെള്ളി സ്വന്തമാക്കിയത്. അവസാന ത്രോയിലാണ് താരം വെള്ളിയിലേക്ക് കയറിയത്. ഇതേ ഇനത്തില് മത്സരിച്ച ഇന്ത്യയുടെ കരണ്വീര് സിങിന് ഫൈനലില് മികവിലെത്താന് സാധിച്ചില്ല.
ഇറാന് താരം മുഹമ്മദ്രെസ ടയബിസെ ഗെയിംസ് റെക്കോര്ഡോടെ സ്വര്ണം സ്വന്തമാക്കി. താരം 20.81 മീറ്റര് താണ്ടി. സൗദി അറേബ്യയുടെ മുഹമ്മദ് ടോലുവിനാണ് വെങ്കലം. 20.48 മീറ്ററാണ് താരത്തിന്റെ മികച്ച ദൂരം.
2018ലെ ജക്കാര്ത്ത ഏഷ്യന് ഗെയിംസിലും 2022ലെ ഹാങ്ഷു ഏഷ്യന് ഗെയിംസിലും തജീന്ദര്പാല് സ്വര്ണം നേടിയിരുന്നു. സമാന മികവ് ഇത്തവണ പുറത്തെടുക്കാന് പഞ്ചാബ് താരത്തിനു സാധിച്ചില്ല. എങ്കിലും തുടരെ മൂന്ന് ഏഷ്യന് ഗെയിംസുകളില് മെഡലെന്ന നേട്ടം താരം സ്വന്തമാക്കി.
നിലവില് ഇന്ത്യയുടെ മെഡല് നേട്ടം 29ല് എത്തി. 4 സ്വര്ണം, 12 വെള്ളി, 13 വെങ്കലം മെഡലുകളാണ് ഇന്ത്യക്കുള്ളത്. പോയിന്റ് പട്ടികയില് ഇന്ത്യ 10ാം സ്ഥാനത്താണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates