ആന്റിഗ്വ: ഓസ്ട്രേലിയക്കെതിരെ രണ്ട് ടെസറ്റ് മത്സരങ്ങളടങ്ങുന്ന പരമ്പരയിലെ 15 അംഗ വെസ്റ്റ് ഇന്ഡീസ് ടീമില് ഏഴും പുതുമുഖങ്ങള്. അടുത്ത മാസം ഓസ്ട്രേലിയയിലാണ് മത്സരം. ക്രെയിങ് ബ്രാത്വെയ്റ്റ് ടീമിനെ നയിക്കുമെന്ന് ക്രിക്കറ്റ് വെസ്റ്റ് ഇന്ഡീസ് അറിയിച്ചു, ഫാസ്റ്റ് ബൗളര് അല്സാരി ജോസഫാണ് ഉപനായകന്.
ബാറ്റര് സക്കറി മക്കാസ്കി, വിക്കറ്റ് കീപ്പര് ടെവിന് ഇംലാച്ച് ഓള്റൗണ്ടര്മാരായ ജസ്റ്റിന് ഗ്രീവ്സ്, കാവെം ഹോഡ്ജ്, കെവിന് സിന്ക്ലെയര്, ഫാസ്റ്റ് ബൗളര്മാരായ അക്കീം ജോര്ദാന്, ഷമര് ജോസഫ് എന്നിവരാണ് പുതുമുഖ താരങ്ങള്.
തോളിനേറ്റ പരിക്ക് കാരണം ജെയ്ഡന് സീല്സിനെ സെലക്ഷനായി പരിഗണിച്ചിരുന്നില്ല. ജനുവരിയില് ട്വന്റി 20 ലീഗ് മത്സരങ്ങളില് പങ്കെടുക്കുന്നതിനാലാണ് ജേസണ് ഹോള്ഡറും കൈല് മേയേഴ്സും ടീമില് ഇല്ലാത്തതെന്നും വീന്ഡിസ് ടീം അധികൃതര് പറഞ്ഞു.
ഓസ്ട്രേലിയയില് മത്സരങ്ങള് കളിക്കുകയെന്നത് എപ്പോഴും വെല്ലുവിളിയാണ്, പക്ഷേ ഞങ്ങളുടെ ടീമില് ഞങ്ങള്ക്ക് ആത്മവിശ്വാസമുണ്ടെന്നും അധികൃതര് പറഞ്ഞു. മത്സരങ്ങള്ക്കായി ടീം ഡിസംബറില് ഓസ്ട്രേലിയയില് എത്തും.
ഡിസംബര് 30-ന് പരീശീലന സെഷനുകളും നടക്കും.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates