മിയാമി: കോപ്പ അമേരിക്കയില്‍ പനാമയ്‌ക്കെതിരെ ഗംഭീരവിജയുവുമായ് ഉറുഗ്വെ. ഒന്നിനെതിരെ മൂന്ന് ഗോളുകള്‍ക്കായിരുന്നു ഉറുഗ്വെയുടെ വിജയം. കളിയുടെ പതിനാറാം മിനിറ്റിലായിരുന്നു ആദ്യഗോള്‍ പിറന്നത്. ഉറുഗ്വെയ്ക്കായി മാക്‌സി മിലിയാനോയാണ് വലകുലുക്കിയത്. മറ്റുരണ്ട് ഗോളുകള്‍ ഡാര്‍വിന്‍ നൂനെസും മാത്തിയാസ് വിനായും നേടി.

തുടക്കം മുതലേ കളിയുടെ സമ്പൂര്‍ണാധിപത്യം ഉറുഗ്വെയുടെ കൈയിലായിരുന്നു. അധികസമയത്തെ അവസാനമിനിറ്റിലായിരുന്നു പനാമയുടെ ആശ്വാസഗോള്‍. അമീര്‍ മുറില്ലോയാണ് പനാമയ്ക്കായി ഗോള്‍ നേടിയത്.

ആദ്യഗോള്‍ പിറന്നതിന് ശേഷം ഇരുടീമുകളും ഉണര്‍ന്നു കളിച്ചെങ്കിലും കളി അവസാനിക്കാന്‍ അഞ്ചുമിനിറ്റ് അവശേഷിക്കെയാണ് രണ്ടാം ഗോള്‍ പിറന്നത്. ഡാര്‍വിന്‍ നൂനെസാണ് പന്ത് വലയിലെത്തിച്ചത്. കളിയുടെ അധികസമയത്തെ ഒന്നാം മിനിറ്റിലായിരുന്നു ഉറുഗ്വെയുടെ മൂന്നാം ഗോള്‍ പിറന്നത്. അധികസമയത്തെ അവസാനമിനിറ്റില്‍ പനാമ ഒരു ഗോള്‍ മടക്കി. സൂപ്പര്‍ താരം സുവാരസ് ഇന്നലത്തെ മത്സരത്തില്‍ ഇറങ്ങിയില്ല.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

മറ്റൊരുമത്സരത്തില്‍ ബൊളീവിയയെ എതിരല്ലാത്ത രണ്ട് ഗോളിന് അമേരിക്കയെ പരാജയപ്പെടുത്തി. അടുത്ത മത്സരത്തില്‍ ഉറുഗ്വെ ബൊളിവിയയെ നേരിടുമ്പോള്‍ അമേരിക്കയുടെ എതിരാളി പനാമയാണ്. വ്യാഴാഴ്ചയാണ് മത്സരം. ഗ്രൂപ്പിലെ ആദ്യരണ്ട് സ്ഥാനക്കാര്‍ ക്വാര്‍ട്ടറില്‍ കടക്കും. 2011ന് ശേഷം ഉറുഗ്വെ ഇതുവരെ കോപ്പയില്‍ ക്വാര്‍ട്ടര്‍ കടന്നിട്ടില്ല.