സിഡ്‌നി: ഒന്നാം ആഷസ് ഏകദിന പോരാട്ടത്തില്‍ ഇംഗ്ലണ്ട് വനിതകള്‍ക്കെതിരെ ഓസ്ട്രേലിയന് വനിതകള്‍ക്ക് മിന്നും ജയം. 4 വിക്കറ്റ് ജയമാണ് ഓസീസ് ആഘോഷിച്ചത്. ആദ്യം ബാറ്റ് ചെയ്ത ഇംഗ്ലണ്ട് 43.1 ഓവറില്‍ 204 റണ്‍സില്‍ എല്ലാവരും പുറത്തായി. ഓസ്‌ട്രേലിയ 38.5 ഓവറില്‍ 6 വിക്കറ്റ് മാത്രം നഷ്ടത്തില്‍ 206 റണ്‍സെടുത്ത് അനായാസം വിജയിച്ചു.
ഓസ്ട്രേലിയന് താരം ആഷ്‌ലി ഗാര്‍ഡ്‌നറുടെ ഓള്‍ റൗണ്ട് മികവാണ് ഓസീസ് ജയം എളുപ്പമാക്കിയത്. പുറത്താകാതെ 42 റണ്‍സും 6.1 ഓവറില്‍ 19 റണ്‍സ് മാത്രം വഴങ്ങി 3 വിക്കറ്റുകളും 2 നിര്‍ണായക ക്യാച്ചുകളും എടുത്ത് ആഷ്‌ലി തിളങ്ങി.
ഓസീസ് ക്യാപ്റ്റന്‍ അലിസ്സ ഹീലി അര്‍ധ സെഞ്ച്വറി നേടി വിജയത്തിനു അടിത്തറയിട്ടു. താരം 70 റണ്‍സെടുത്തു. ബെത് മൂണി 28 റണ്‍സും കണ്ടെത്തി.
നേരത്തെ 39 റണ്‍സെടുത്ത ക്യാപ്റ്റന്‍ ഹീതര്‍ നൈറ്റ്, 38 റണ്‍സെടുത്ത ഡാനി വ്യാറ്റ് എന്നിവരുടെ ചെറുത്തു നില്‍പ്പാണ് പൊരുതി നോക്കാവുന്ന സ്‌കോറിലേക്ക് ഇംഗ്ലണ്ടിനെ എത്തിച്ചത്. അമി ജോണ്‍സും പിടിച്ചു നിന്നു. താരം 31 റണ്‍സെടുത്തു. മറ്റൊരാളും അധിക നേരം ക്രീസില്‍ നിന്നില്ല.
ഓസീസിനായി ആഷ്‌ലി മൂന്ന് വിക്കറ്റുകള്‍ വീഴ്ത്തി. കിം ഗാത്, അന്നബല്‍ സതര്‍ലാന്‍ഡ്, അലന കിങ് എന്നിവര്‍ രണ്ട് വീതം വിക്കറ്റുകള്‍ നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates